除左梭羅魚，仲買左隻魷魚做餸～應下景咁啦，話哂就黎俾人炒魷魚～～ 不過要點煮先可似適合裕喬喬食呢！？呢個問題真係好難諗。。。因為我腦海中都係黃金鮮魷、三杯魷魚、咖哩魷魚、炸魷魚圈。。。點呀，全部都唔啱裕喬喬食喎～諗到頭都大埋，最後都係最簡單既方法，配搭蔬菜清炒就算，黎個傳統廣東小炒～～   材料： 西芹　６條 魷魚　１隻 三色椒　少少 蒜片　１粒 生粉水 少少 鹽 少少 (可唔加) 做法： 1. 將魷魚洗淨, 除軟骨、內臟、去皮, 變番白雪雪, 就可以界花切片~~ 魷魚鬚部份就咁切左隻眼洗淨就OK 2. 西芹洗淨, 撕左D 絲絲 出黎, 切粒粒~~ 三色椒洗淨,除籽, 切條 3. 先灼下D魷魚, 30 秒到啦~~ 確保佢熟同埋話可以去左D 腥味~ 好快就捲埋一舊~ 4. 開鑊落油, 爆起D 蒜片先~跟住落西芹炒, 炒一陣就加少少水由佢煮下 5. 見冇乜水就加埋魷魚同三色椒再炒, 最後就加生粉水同少少鹽就搞掂~   裕喬喬食得, 我地又食得~~ 開餐LU~~~   P.S.: 1. 魷魚出水唔可以太耐架, 會好UN架~~ 大家都唔想食擦子膠架嘛~~~ 2. 唔鐘意食西芹既朋友仔，其實可以炒其他蔬菜，例如蘆筍，西蕳花、甜豆都好吸引架 我家裕喬的PAGE, 在職媽媽盡量每日UPDATE喲~ https://www.facebook.com/JacoYK/