超人婆婆篇   西瓜婆婆有3個仔3個女 而我就係最尾個個。未過60既媽咪 好多人都話佢好福氣 除左仔女 孫都已經有7個半！完全可以用兒孫滿堂黎形容佢XD   西瓜妹係佢暫時最尾個個,記得7月3日個日 我陣痛,生仔,鏠針都無喊..係到推出產房 老公比電話我聽個陣 聽到媽咪把聲 成個人好似鬆一口氣 大喊出黎 果然阿媽係最明白自己 。   生之前 媽咪話過應該唔黎探我,因為太遠同埋佢要開鋪。點知第二日 全家出動咁濟 2個鐘探訪時間 10條友輪流入黎睇bb 好誇張   出院 媽咪同姐夫揸車接我 我係佢地黎之前 發生左個小插曲，西瓜妹4個鐘有3個鐘要啜奶奶，精神加肉體上既折磨 係媽咪入病房接我地個陣,簡直係打救左我 ,原來醫院凍 所以一直扭計 媽咪幫佢帶唒衫 抱實出院 訓左2個鐘。   如果論凑bb 佢絕對係陪月級別,bb扭肚餓定扭眼訓都知 沖涼超熟手,連肚仔有風都係用手指輕拍2下就知係咪。太厲害???????? 當然超人都有缺點,媽咪係煮食方面 佢識煮好多美食 但坐月佢只會比我食3樣野，薑炒瘦肉，薑炒菜心瘦肉，薑炒蛋...係好味 但我食到好厭   媽咪 好多謝你..我知道你凑西瓜妹 有時休息唔夠 多得你夜晚接我更 同佢一齊訓覺。我一定會叫佢錫婆婆！因爲23年前 佢用盡全力生左我 再自己凑大我。媽咪 I love you,上年凑完一個 今年又一個XD下年又黎多個啦 hahaha