經歷咗第一胎見紅之後陣痛咗40個鐘先生到乳酪出嚟  到咗第二胎嘅預產期越來越接近 自己開始都有啲緊張，亦有啲期待 唔知會係見紅、穿水，定陣痛先， 唔知會痛幾耐呢 到咗37週6嘅凌晨3點，訓訓下 突然feel到一陣暖流，好似突然漏M咁 即刻衝入廁所睇下咩事  點知啲水越來越多，已經知道係穿咗水 因為穿咗水唔可以拖，拖太耐就會感染 即刻攞埋走佬袋，叫老公起身揸車入醫院 去到威爾斯產前病房，姑娘就叫老公去辦入院手續 姑娘就同我檢查，確認係穿水，但只係開左一度 我亦覺得陣痛慢慢開始 頭一個鐘嘅陣痛比較輕微，規律亦都唔穩定 第二個鐘開始，就重拾我第一胎，陣痛痛到想死嘅感覺 嗰種感覺就好似十級 M痛咁 (雖然我咁大個人只係M痛嗰一兩次 ???? 但嗰種痛都難忘) 每一下陣痛 都會那住成個人那到出唔到聲 唔想郁亦郁唔到 有一下陣痛真係痛到喊咗出嚟 但嗰個時候，都只係開咗一度多啲，10分鐘一次，每次分幾鐘，姑娘就叫我5分鐘痛一次先再同佢講 等到朝早七八點，食完醫院嘅早餐，陣痛都仲係十分鐘一次 跟住終於有個醫生嚟睇我 ，見我咁耐度數仲未開，佢話要同我落催生藥，加速個產程 即刻同我安排轉去候產室， 最可惜係候產室冇哂聞笑氣嘅parts， 聽到嗰刻 shocked 咗  因為係笑氣 幫我捱過咗上一胎最難受嘅一段時間，索一啖high high地 真係舒緩唔少 落咗藥之後，宮頸就開得快好多 我諗喺候產室等咗兩三個鐘，已經開到4，5度，可以落產房 攞到上房好快，唔洗20分鐘，bb個頭就想出來 感覺好似好急屎，唔痾唔得咁， 姑娘仲叫我如果想等埋老公入嚟就忍多陣，唔好痾住(雖然老公一直跟住我張床落嚟， 但產房冇畀佢入嚟住) 最後跟住姑娘指示，用力咗幾下， 就生咗寶寶個頭出嚟 之後就可以放鬆，等姑娘拉個身出嚟 呢一刻，係十個月以來最期待， 亦都係痛苦咗八個鐘之後最開心嘅一刻， 因為終於唔使再痛啦！ 今次生完之後我真係全身冇哂力 ，上一胎生完之後好自然咁排埋個胎盤出嚟，但今次完全冇力再排出嚟，要等姑娘幫我拉出嚟 產程最後一關，就係聯番好個傷口 今次姑娘又說我唔好打麻醉藥，佢話支麻醉針仲粗過聯嗰支針， 同埋只係聯兩三針 但我後悔聽佢講了。。。。 為佢聯嗰下真係痛到痴線，仲要咁啱嗰個位係最敏感嘅部位 最後原來係有兩個位各聯兩三針，總共聯咗5，6針 。。。喊 但總算結束了，攬住寶寶嗰一刻，真係好開心 你一胎之後，我終於明白點解咁多人選擇開刀 但過咗之後，其實有覺得冇乜嘢，都係順產好啲