無論幾多歲都會呷醋 我係兩胎年齡好接近的媽媽 我家大豬1歲7個月，細豬3週 大豬都算懂事的寶貝，雖然得1歲幾，但好多事情都明白。 但呷醋既野就真係冇分年齡，哈哈⋯ 在懷孕期的時候，已經同大豬做定心理準備，佢即將做家姐，會有個細佬陪佢玩，經常同佢講，日子耐左問佢細佬係邊，佢就會打開我件衫指住個肚，但佢真係知道抑或我地教左佢，佢覺得係一種指令，無從考究，當我去到懷孕中期，大豬就開始好癡我，比之前再癡身，情緒上都有d變化。 當我生完細豬，剛出院回到家的當日，佢見到細佬返到來，第一時間拍心口示意驚驚，我地就同佢講，依個係細佬唔洗驚，然後佢就用手去摸細佬個頭，因為佢唔識分力度，就拍左落去，家人下意識推開佢隻手，果一刻大豬情緒就大爆發，喊到收唔到聲，眼淚鼻涕出晒來，我和老公立刻抱住佢安慰佢，這一刻大家都意識到，不能把全部目光放在細豬身上，依段敏感時期我地需要把大豬放在第一位先，因為佢真係明白和感覺到父母既愛要分俾細佬，所以在細豬未知道和懂事之前，暫時要把全部愛放係大豬身上先，還要無時無刻教導佢，令到佢接受細佬既存在。 經過幾日既相處和教導，佢已經開始明白，每次摸細佬已經識輕輕力，仲好主動去床邊睇細佬，但有時候發小脾氣時都會無意地掉玩具落細佬到，這些情況下不能第一時間罵佢，最重要係去教導佢和安撫佢。 身邊好多朋友都有相同情況，無論小朋友幾多歲，當有兄弟姊妹出現時，都會呷醋，都會無心地去傷害令一個，最重要係要同佢地做定心理準備，要有耐性地教導佢地，令到佢地知道父母唔會分心，都會公平地愛佢地，將全部既愛比晒佢地。 我們還在努力當中，加油。 歡迎大家一齊分享心得，交流下如何處理呷醋既情況，謝謝。