做左全職媽媽幾日，日日都hipseat同背囊上身，帶裕喬喬去放電，再買餸煮飯～看似簡單，但實際情況又未必如願～話說早2日係吉島星期三特價日，唔知死去湊熱鬧，排隊俾錢等左成個鐘，裕喬喬又倦又眼訓⋯⋯番到屋企就諗住隊枝奶俾佢，食完好訓喇，點知由3點玩到4點半先訓⋯⋯點解咁好精力架⋯⋯等到佢終於訓左，就快快手煲個快湯先～ 第一次煲三文魚頭咋～～見到個鰓覺得捉蟲⋯⋯搵自己黎搞⋯⋯⋯⋯    材料： 三文魚頭 2個 （太多喇，其實一個都夠） 蕃茄 4個 甘筍 1條 粟米 1條 薑 數片 （忘記買⋯⋯） 做法： 1. 洗淨魚頭，去鰓，將魚頭一開四 2. 將蕃茄洗淨一開八；甘筍去皮洗淨切粒；粟米洗淨切段    3. 開鑊落薑同三文魚頭煎香，煎好左可以落熱水 滾番十到十五分鐘，就會變白架喇  4. 跟住落哂咁d蔬菜一齊煲約一小時就飲得，超重膠質呀！！      爭住飲既裕喬喬   太激動變左有個圈圈喇⋯⋯   P.S.: 1. 煎魚一定要滾油先好落，咁就唔會癡住架喇 2. 落水一定要落熱水，唔係湯唔會約白架 3. 飲唔哂留起佢用黎煲飯仔或者煮餸都得架 我家裕喬的PAGE, 媽媽盡量每日UPDATE喲~ https://www.facebook.com/JacoYK/