還記得生完第一胎，乳酪出世後，他在兒科待了17天 留院的幾天，BB不能在我身邊，感覺是空虛的 聽到在醫院產後房其他的BB日夜的喊聲，更是感觸 想著為何自己的寶寶不在身邊 縱使如此，我亦不忙要達成餵人奶這個重要目標 寶寶因為一出世就做左個大手術，之後幾天只能吊鹽水，不能食奶 缺乏BB強大的吸吮刺激，我唯有自己用手按摩刺激上奶 在醫院的頭三天，只是間中按摩，一滴奶也沒有，也沒有漲奶感 到了第四天，心想是不是我沒有人奶了，試著用奶泵泵奶，可是仍未有奶 第五天，用手榨奶時，終於出現一滴黃色液體! 嗰一刻真係感動到喊! (生左個B出尼一刻都冇咁感動) 之後奶量由每次5ml開始，越泵越多，到20ml，60ml，80ml...如果唔泵出來，很快就會變石頭胸 有兩次隔左一日冇泵清，更突然乳腺炎，繼而發燒 所以上奶後一定要比BB食或泵出來 建議第一胎或胸部較硬嘅媽媽，可以先用奶泵泵鬆個胸 (雖然好痛)，就可以令 BB 易吮啲，增加成功機會 第二胎，亦是在公立醫院生，醫院的母乳支援多了很多 不論在產後房、兒科病房(BB去左照燈時)、健康院，都有大量 Breastfeed coaching 姑娘教揸奶、餵奶姿勢、餵奶時間(佢一定叫你 anytime 都可以餵)、BB的索食表示等等 不時有人來指導你，提你餵奶 見到你張BB紀錄表(紀錄食奶和大小便時間)幾個鐘沒餵，還會問你原因，有啲人可能覺得 pushy，但其實係增加到成功餵人奶嘅機會 細佬月月出世時6磅3，但因為好鍾意訓覺，每次又唔食得多，加上開始收水，第3天磅數竟跌到5磅幾 亦因為食奶唔夠，未夠快排出胎糞，黃膽指數都擲界 輕同黃兩個原因，令BB同我都未出得院 姑娘話 體重唔可以少過出世磅數嘅8-10%先可以出院 於是第三四天我就全力谷寶寶食奶 但愛睡寶寶好多時一埋身啜一陣就訓著，拍醒佢又啜多一陣 所以我喺餵佢嘅同時，都將另一邊嘅奶榨出尼 (醫院當時冇泵機提供) 醫院係有呢啲黃蓋杯仔可以攞的，問姑娘同姐姐都好樂意比你，而家消毒哂，每個只用一次 當寶寶埋身到訓哂時，我就再餵佢飲埋杯仔嘅奶(第3,4天每次大約10ml) 因為唔洗用力啜，佢會飲得快好多 就係咁，磅數成功達標出院