好恐怖，食左星星意粉唔夠一個鐘 呀仔頸，頭，耳仔腫起哂 我驚到奶咀唔敢比佢食，驚佢呼吸唔到！ 平時呀仔睇皮膚科有少少類固醇藥物，我幫佢擦左少少，開行冷氣！等佢唔喊，見到紅腫慢慢退落黎。個心都定番少少⋯ 再回想起呀仔食過咩？ 琴晚食純米糊mix南瓜蓉，今日食左奶同番茄星星意粉（新野），睇番個意粉成份「小麥」 再上媽媽網一查，原來兇手就係小麥！ 我即刻搵野mark低，有小麥成份唔比呀仔食。 心裡面同時好矛盾，幸好比左佢試、知道左佢對小麥過敏；同時好內疚食到佢發過豬頭。 各位新手媽媽，希望大家遇到上述情況都保持冷靜，觀察一下，如果bb呼吸暢順⋯係可以好快退到！ P.S. 多謝好朋友魚媽，即刻推介書可以參考一下，多多指教