記得馬素媽媽做新手媽媽時 最感興趣就是出街帶幾多野⋯⋯因為懶！同怕煩 由細到大最喜歡兩袖清風，逢行極簡主義 不喜歡多帶雜物的媽媽，都要不得不為寶寶改變 但既然帶就不如只帶有用的，盡量輕便～   每星期特別珍惜放假的日子，所以一出就是十幾個鐘 所以真的不能帶少野，也不要累聚 長話短說吧！     食物篇： 1）熱水壺---沖洗消毒食具或沖奶，無他，怕街外的水唔乾淨或者無煲過 2）食物壺---當然大的可以裝到兩餐（馬素只15m未食街外野咋） 3）食具---帶多一套替換，經驗來說要帶個大匙方便兩下就裝好 4）保鮮袋---食具/食物壺/水樽各需要一個 10）水樽/奶樽---都無他，唔想寶寶飲街外水囉 13）零食---不用解釋吧XDDD     清潔篇： 5）免沖洗消毒液---非常重要，馬素八卦周圍摸又伸手入口，或食零食時都出動它（用緊AQ） 6）抹口用濕巾---抹完口，食完後會抹食具上的油污，因為好多時自己帶寶寶不想/無洗手間在附近沖洗 7）紗巾---夏天至少三條，或加汗巾口水肩之類，除了清潔有時還當玩具咬或聞-.- 8）衣物---帶多一套衣服，以防大汗/ 飲水或嘔奶濕身 / 屎尿屁乜乜乜XDD 9）換片袋---入面有片4塊＋紗巾＋濕巾＋換片膏＋士啤膠袋（有公德心地裝屎片先掉：P）     其他： 11）風扇---夏天必備，馬素當玩具玩，有蠅可扣於BB車上 12）防蚊蟲用品---蚊貼旁是扣在鞋或車上的蚊扣 14）涼墊---綁於BB車或揹帶上 15）BB車或揹帶---無Show，不過近來買了gb，有機會再分享 大原則是食物片片不可少，可免帶的就在出門前做好，如防曬或噴蚊怕水 以防做一袋二袋的⋯⋯^^"   當然帶咩要跟自己寶寶的需要啦～ 完！