爸爸夜晚有飯局，帶埋裕喬喬同我出去～～裕喬喬好少會出夜街，一黎想佢早d訓，二黎想留番d時間同佢畫畫、睇書～～難得出夜街，咁冇理由食即食包架嘛～～左諗右諗，咁惟有煮個類似即食餸出去，唔好失禮爸爸啦～～最後揀左煮5色蔬菜配牛牛，營養夠哂均衡！！有齊紫色、紅色、啡色、黃色、綠色！！ 材料： 紫洋蔥 1/8 個 蕃茄1個 蘑菇1朵 粟米粒 適量 蘆筍 數條 牛小排 1片約30克 牛油果油適量 麵粉 1湯匙 糖 好少好少 （可忽略） 香草適量 牛肝菌碎 適量（可忽略）    做法： 1. 將洋蔥、蕃茄、蘆筍洗淨切粒 2. 蘑菇用濕布抹乾淨再切粒 3. 牛小排切粒    4. 開鑊落少少牛油果油輕輕煎下d牛肉粒，跟住就拎番起   5. 再落洋蔥炒香，之後再加埋蘑菇炒～    6. 炒到蘑菇有出水情況，咁就可以落麵粉～記得要炒熟麵粉呀！    7. 炒好之後，就加少少水推番個麵粉糊滑身，搞掂冇粉粒之前就可以加埋蕃茄同煮～       8. 蕃茄煮淋之後就加埋粟米粒、蘆筍粒同牛牛粒再煮約2-3分鐘，最後加埋糖同香草就搞掂喇～～   最後裝入龍貓保溫罐就可以去街街喇～～仲細過枝牛油果油，勁方便～   去到酒樓叫個白飯就食得喇     P.S.: 1. 想個麵粉糊做得靚，一定要慢慢黎，較低火又或者索性熄左個火，炒熟推滑先開番個火都得～～ 2. 蕃茄本身水份多，唔好落咁多水落去推麵粉呀，唔係就會一pat 水咁，唔成型架喇 有得出夜街開心到呢～～     我家裕喬的PAGE, 媽媽盡量每日UPDATE喲~ https://www.facebook.com/JacoYK/