寶寶要鍚，老公都要鍚！！老公平時都會爭取裕喬喬訓左既時候玩電腦、睇戲，通常12點零就會捨得個小三（MacBook / iPad) , 番黎幫裕喬喬換埋片片訓～～作為果粉既佢，尋日發怖會點會唔睇丫，一睇就睇到差唔多3點先訓，第二朝仲要番工呀⋯⋯所以呢，即刻諗住煲番個花旗蔘石斛俾佢補補先～但係⋯⋯蔘類裕喬喬又唔飲得喎⋯⋯咁惟有整一人一盅燉湯啦～～咁就唔會大細超啦～～～ 老公既：花旗蔘石斛無花果燉湯 材料： 花旗蔘 3條 石斛 2枝 無花果 2粒 豬柳條 3條 薑 1片 做法： 1. 豬柳條洗洗，跑活水，再洗乾淨備用 2. 洗淨花旗蔘、石斛 3. 洗淨無花果後開半，薑去皮洗淨 4. 將所有材料放入燉盅加水燉2-3小時   裕喬喬既：蘋果雪梨無花果燉湯 材料： 蘋果 半個 雪梨 半個 無花果 1粒 豬柳條 3條    做法： 1. 豬柳條洗洗，跑活水，再洗乾淨備用 2. 將蘋果、雪梨洗淨後去芯、切粒 3. 洗淨無花果後開半 4. 將所有材料放入燉盅加水燉2-3小時      由於我家冇電既燉盅，又冇水波爐，只好用番最原始既電磁爐燉啦～～個人覺得好過明火架～        充滿生果味既湯，裕喬喬都好俾面飲下既～  P.S.: 1. 幼童未可以飲蔘類既野住架，因為唔幼童既體質、脾胃都未必適合，除非係中醫開藥啦 2. 花旗蔘可以先剪開/切片燉，原條燉原唔唔太出味架 3. 阿媽教落：燉野記得落凍熟水，唔好落生水呀 我家裕喬的PAGE, 媽媽盡量每日UPDATE喲~ https://www.facebook.com/JacoYK/