我相信好多媽媽都會買好多沖涼玩具俾BB沖涼果陣玩！ 其實沙律媽媽都係！自動波，得閒買一件，得閒又買多件！ 沙律B嘅第一件沖涼玩具就係Munchkin嘅感溫鴨仔。 聲稱可以測試水溫，如過熱，鴨仔底部會出現 “HOT”。 呢個 function 其實是欺騙觀眾的，除非你搵70-100 度滾水幫小B沖涼 Otherwise，唔使指意見到個“HOT”字！ 雖然感溫 malfunction，但呢款鴨仔都唔錯，因為佢入唔到水 鴨仔內部非常之乾淨，唔怕暗藏細菌！ 所以沙律B由3-4個月玩到宜家17個月，仲係好新淨。 早排有新聞報左沖涼鴨仔含菌超標，Munchkin 呢款大家可以安心用！ 沙律媽媽真係有先見之明 ….. [講笑架！] 不過，可以噴水嘅沖涼鴨仔，沙律B都有玩過，但玩左一個星期就dump左嚕   後來，沙律媽媽又買左可以漏水嘅款式，一嚿雲款式，沙律媽媽喺FB買的 其實我喺淘寶都見到有得賣，仲平過FB賣家賣嘅價錢 呢嚿雲好過普通膠鴨仔，因為可以拆開嚟洗，但唔易拆 老老實實，沙律媽媽我無咁多時間，同無咁神心日日用完日日拆日日洗 所以用左1-2個月又dump左，但dump 之前都有拆開睇睇入邊變成點 結果唔算太污糟，只係內部有少少黃黃啡啡，同滑潺潺，都幾嘔心 最衰當初無影到相俾大家睇睇，當作警惕！ 因為每次買呢啲可以入水嘅玩具，沙律媽媽預左最多都係玩1-2個月貨仔 所以唔太上心，次次拆完都唔記得影相！   再後來，沙律媽媽又買左可以游水嘅龜仔俾沙律B玩 當時日本代購產品時見到，順手買俾沙律B玩，沙律B勁鐘意，玩足4個月 呢隻龜仔好搞鬼，擰一擰底部個制，放入水，就會龜速咁游 足足喺沙律B個沖涼盤游左幾個月，本身打算玩一個月就dump，結果無左件事 因為最近比較忙，而沙律媽媽又開始放手俾姐姐沖涼 Handle玩具一事就交左俾姐姐，但以後呢啲都唔可以假手於人，都係自己做番 上星期，沙律媽媽買左新沖涼玩具，就dump龜仔，點知龜仔啲螺絲都生曬鏽 好想擰開睇下入邊變成點，都開唔到 所以沙律媽媽隔硬撬開，睇到入邊嚿發泡膠已經完全變左啡色，真心核突 即刻又dump左，宜家又要物色新玩具！ 上星期買果款麵包超人花灑玩具唔錯，沙律B玩到唔願意起身   除左呢款，好多 stacking cups都可以當沖涼玩具 因為唔會藏水，唔藏水，就唔會有細菌，玩玩具都要講安全性！   嬰兒用品系列︰ 如何選購嬰兒用品の消耗品篇！ 如何選購嬰兒用品の奶樽奶咀與配件篇！ 好物&癈物分享︰ 精明買物媽媽系列の嬰兒好物大分享 II 精明買物媽媽系列の嬰兒癈物大分享 I 精明買物媽媽系列の平靚正收納妙法！ 精明買物媽媽系列の嬰兒好物大分享 I 旅行系列︰ 小腳板走天涯の10m台灣旅行應該帶啲咩！ 自家製系列︰ 自家製系列の給寶寶最好的護理—自製天然健康湯水！ 自家製系列の小兒天然止咳殺菌良方—燉紫洋蔥！ 自家製系列の打一歲針前應該煲咩儲涼湯水？！ 自家製系列の嬰兒都可以食嘅生日蛋糕—沙律B生日快樂！ 其他忙碌日常︰ 加固系列の嬰兒可以食咩零食？！ 健康系列の如何應付寶寶の便秘問題？！ 沙律媽媽的忙碌日常の湊B去街應該拎啲咩？！ 純粹分享の在職媽媽補身恩物—老協珍熬雞精！！