由初生到滿月，餵人奶的確係一件好攰，而且需要點堅持同努力先做到嘅事 比起買罐奶粉返尼沖水 餵，需要多啲時間 唔單只媽媽要學餵奶，BB都要啲時間去學搵奶食 但去到後期，BB就會學到爐火純青，聞到陣味都好容易準確搵到尼吮 除左埋身餵，人奶媽媽們好可能要用奶泵泵奶 返工時要泵奶，埋完身都可能要泵啲剩餘嘅奶出尼 我個人用過4款奶泵，包括Medala，Avent，Spectra同淘寶買嘅優合 每款奶泵都有各自嘅樽，唔可以同其他樽駁入去 Medala - 我係用醫院借嗰部大機，咁多款當中最鍾意，泵得快又唔痛，未上哂奶都泵到出尼 Avent - 胸部皮膚比較緊嘅話，用Avent會比較痛，因為佢好大力，當初無論我用唔用佢個軟膠喇叭都係痛。但當經歷過18個月個胸又漲又縮之後(即個胸鬆哂嘅時候)，又唔覺得佢特別痛，反而覺得吸力強啲泵多啲。但要插住濕電先用到 Spectra - 可插濕電或叉滿電後用，可以帶返公司泵，但冇插濕電時會比插住電細力。但用用下就覺得泵唔清 優合 - 勝價比好高，淘寶百幾蚊就買到。雖然係單泵，但其餘性能上同外觀上都唔差過其他牌子，而且超級輕，仲輕同細過一個尿袋，而且叉電頭可以用USB頭插! 不過係要叉住電先開到。加上佢有個蓋 cup 住個喇叭頭，帶出街都衛生啲   大部分奶泵都有兩個 mode，一個係一開始比較快同細力，其實係幫助刺激乳腺分泌，通常幾分鐘後就會轉長泵 mode，唔好睇少頭幾分鐘個 mode 呀，雖然細細力，但對上奶都幾有用㗎 除左奶泵，都想介紹大家準備定儲奶神器，尤其 for 啲上哂奶又好多奶嘅媽媽 可能大家都試過，餵緊BB或泵緊一邊嘅時候，另一邊就不斷喺度滴 其實嗰度得出嚟嘅奶都唔少㗎，所以要用儲奶神器接住， 唔使嘥哂啲奶，又唔會整濕哂件衫 當然，其實搵個儲奶杯或者奶樽接住都一樣可以， 但有時啲樽口會好介唔舒服，而且唔易固定，儲奶神器就比較易拎住同 cup 住喺個胸啦 希望大家奶源充足，餵奶冇難度啦