夏日熱辣辣，好熱好熱！得閒飲返杯消暑嘅凍飲，真係透心涼呀！ 係人都知包裝飲品同汽水都唔太健康，啲糖分超晒標是常識吧！所以以出街想解渴都係飲下水，返到屋企先自製杯清新凍飲畀自己啦！ 材料： 西柚 1個 梳打水 1支 步驟： 1. 西柚去皮，瓣開一件件並去衣，將西柚肉隔開咁放入密實盒，用牛油紙做間格 2. 放入冰格4小時或者雪到硬，備用 3. 取出冰西柚，放入慢磨原汁機，打成雪葩 4. 用半杯至大半杯雪葩，加半杯梳打水，完成   小貼士： －製作雪葩嘅水果需要隔開咁放入密實盒，而且每層要用保鮮紙或者牛油紙隔開，因為結咗冰之後好難分開 －橘子類水果都好適合做雪葩特飲，因為酸微微好開胃，啱晒夏天消暑 －西柚嘅受歡迎程度雖然唔夠橙同檸檬嚟，但係因為西柚喺酸同苦味之間最平均，用嚟做甜點味道就會最清新 －唔鍾意太酸嘅朋友可以加少少蜜糖喺雪葩面先落梳打水   是次小分享完畢，有興趣可按 麵語錄食玩遊記 by Aminn 或 C家重地 其他分享 :)   Aminn | Beauty．Food．Fun．Travel．Trendy｜      麵語錄食玩遊記 by Aminn (Lifestyle) www.facebook.com/m.for.aminn / www.instagram.com/starzaminn    C家重地 (Parenting) www.facebook.com/sy.lam.family   任何合作請接洽：aminn613@gmail.com