由於超強颱風山竹迫近, 媽媽我差唔多一日去買2轉餸咁滯, 連煮米豬ge lunch都要一個字 - 快!! 但快都要有營養ga ma! 蕃茄炒蛋就fit晒~!!   材料: 蕃茄 半個 蛋 1隻 免治豬肉 2湯匙   做法: 1. 蛋打勻後炒至7成熟 即係咁樣仲有小小水水地ge狀態就離火, 再攪多2攪就會變成下圖咁 2. 豬肉用蒜粉約半茶匙, 生粉半茶匙醃十分鐘, 落鑊炒香 記得要督住炒, 唔係就變咗肉餅 3. 豬肉差唔多熟晒就落蕃茄 由於今次個蕃茄好生, 所以落咗幾粒糖吊吓味 4. 見蕃茄開始溶同出水, 就加2湯匙水落去煮 5. 再落埋蛋, 一路炒到水份收乾到得返DD汁 6. 炒到咁~ 就OK喇~ 快靚正蕃茄炒蛋飯完成, 由洗米到食飯只需要20分鐘~   米豬試食時間: 開始見到隻匙羮會放入口, 唔係敲碗喇 滿足~~ 食食吓飯要鍚鍚, 仲要貼住個額頭先肯開口食飯 你想搞事定想冧死媽媽?   煮食小貼士: 1. 超級市場買0個D蕃茄真係好生好生... 切落去索索聲ga.... 所以落小小糖就會冇咁酸喇~ 如果你買到個又熟又甜ge, 梗係唔駛落啦 2. 炒蛋成形前一定要離火, 搬過隔離個冇火ge爐頭又好, 成個煎pan拎起佢又好, 點解唔熄火呢? 其實熄火之後個爐仲有好高熱ge餘溫, 會繼續煮隻蛋ga, 所以最好梗係離火啦~ 咁樣出嚟ge蕃炒蛋個蛋就唔會好老喇   米豬豬的page~ 每日都update~  歡迎各位like&follow~ 亦都歡迎大家聯絡我同米豬豬一齊試用產品或合作~ https://www.facebook.com/NereusYu/