就到中秋, 忙住整月餅, 再加上嚴陣以待既颱風, 就差點忘了要安排一點節日限定的活動! 其實Bookmark了好幾處想去, 其中一個就是始創中心的「月球漫遊Moon Walk」上周六颱風前夕出開旺角金魚街買魚, 順道快閃去左~  ​內有3大光影主題區: 「星際歷奇」 喺由七彩LED燈串同閃爍星球裝飾交織而成嘅夢幻星河. ​ ​ 「3D月光隧道」 七彩躍動嘅霓虹燈效. 加上七個代表月相盈虧嘅3D月亮, 仿似置身喺不斷移動嘅隧道之中，充滿未來感 ​ ​ 「夢幻萬華鏡」 係最靚既一個, 投影而成既巨型萬花筒，視覺效果超級有feel. ​ ​ ​ 投影仲有中秋主題既兔子燈籠同埋Emoji笑臉添 ​ 雖然個場館唔大, 不過影靚相真係掂, 最重要只要在商場內消費50蚊, 就可以換到一張免費入場券 (可2人入場), 每節15分鐘 (其實夠玩架啦!) 真係值得帶小朋友去影下相! 而且仲好貼心地有人流管制, 同一個場內唔會超過3組人, 咁影相都唔怕出現路人甲乙丙~ ​ 不過, 小朋友去到抵受不住咁五光十色既環境, 實全程郁個不停, 影相要D技巧同耐性啦, 我都係狂襟100張先揀到幾張無蒙架咋! 因為得2個人入去, QB爸仲打賭肯定QB又唔比我影相而出黎時我又會黑面或白眼! 但無喎, 我同QB不知幾sweet幾開心呀! ​ 始創中心「月球漫遊Moon Walk」 日期︰9月13日- 9月26日 時間︰12nn - 9pm 聯絡合作和活動: email: sherice_hy@yahoo.com.hk Facebook: Mini Bubble Corner ❤Blogspot❤ ❤The Ztyle❤ ❤She.com❤ ❤wordpress❤ ❤Beauty Exchange❤ ❤weshare❤ ❤博勢力❤ ❤esdlife❤ ❤mamibuy❤ ❤ubaby❤ ❤Oh!爸媽❤ ❤ 親子日常❤ ❤chef-diary❤ ❤cook1cook❤ ❤OpenRice❤ ❤Pixnet❤