香港打風，最好梗係留係屋企～所以十號風球個日，我地冇出過街，完全同裕喬喬困獸鬥～～主力都係老公陪佢睇書同玩玩具～風暴過後，老公公司唔駛番工，又帶裕喬喬去室內遊樂場玩玩，等佢解悶，一齊跑跑跳跳，跟上跟落咁倦～～雖然老公未算係神級隊友，但已經好好，我巧滿足架喇～～咁襯裕喬喬午睡時間，整番個小菜慰勞下你啦～～ 材料： 豬腩肉 2舊 冰糖 90克 薑 幾片 八角 幾粒 葱 1棵 紹興酒 1杯 豉油 1杯 水 1杯   而家有急凍既肥腩，仲要無添加激素～打風前買定放冰箱，太方便喇～     做法： 1. 先將腩肉洗淨、1開2，跟住用繩紥住，拎去跑活水   2. 跑完活水洗乾淨表面污糟野，跟住要印乾哂成舊肉，之後去落少少油煎哂6面   3. 煎好拎起肉，直接落糖炒，炒溶哂d糖就將豬肉回鑊，再加埋所有材料落煲    4. 滾起後確定冇痴底就轉蚊滋火炆佢2個鐘就得喇～～   拆線上菜喇！！！   老公評語：入口即化、油而不膩、肉又唔UN, 不過係咸左d ～ yeah~~~~叫合格啦！！ P.S.  1. 最難係炒糖，炒到溶又唔俾佢燶，要不斷炒⋯⋯勁倦～我就炒到咁樣就算   呢個菜唔止受到老公賞識，連裕喬喬都話要食！睇下吸引力幾大先 我拮！太長拮唔到添⋯⋯   我再搶！！！     我家裕喬的PAGE, 媽媽盡量每日UPDATE喲~ https://www.facebook.com/JacoYK/