為了方便帶綿綿外出，簡一條岩用又安全既揹帶真係好重要，因為bb 頸部未能完全有力，所以要好小心選擇！ 隨了岩我用外，綿綿爸爸及綿綿bb更加要岩用， 因為外出時主力會係老公揹住綿綿，分別比較了市面好多款， 我最後買了 i-angel (Miracle) 呢款。 呢款係多功能4合1 , 最重要剛滿月既初生bb都用得，綿綿咁細粒都岩用， 而最重可以承受20kg, 所以綿綿再將來大個d用都無問題。 如果1-4個月大既初生bb, 揹帶暫時不用加腰櫈，因為太細個用會容易變 O型腳，一般建議5個月大開始再配合腰櫈使用較為適合(當然要視乎不同bb 身形大小及是否夠硬淨程度而定) 。 i-angel 揹帶外層選用優質棉料，是無毒性防水面料，而內層採用高透氣度舒適網料，我特別喜歡可拆式遮掩布，有時天氣太熱， 用揹帶會令bb背脊容易熱到出汗，呢個活動式拉鍊布圈起後就變成網狀，完全唔洗怕會局親綿綿呀，非常細心既設計。但有時出入冷氣地方或bb瞓左，都怕容易冷親， 除了可以拉番好背脊拉鍊布外， 頸部位置有一塊活動式睡帽，可以當帽子蓋住bb頭部，唔洗怕吹親頭仔，完全照顧到bb既需要！肩帶附送既咬咬巾及胸前口水肩都是有機棉質料，媽媽完全可以放心比bb咬， 如果清洗記得要用手洗，因為用機洗會洗走晒有機既物料。 雖然暫時綿綿仲細，使用揹帶時不用加腰櫈，但其實呢個腰櫈有好多用途。 例如用來抱住餵奶， 掃風， 有時bb長時間樓抱，但抱得耐都可以用坐墊借下力，所以呢個腰櫈真係一個好幫手。 將來待綿綿身形再大隻d及硬淨d時，用揹帶同時就可以配合腰櫈一齊用喇， 想提提各位媽媽， 原來腰櫈質料好重要，市面有d採用吹氣墊 、發泡膠或膠版，結構上是有機會不能安全承托bb的。 而i-angel 採用Dual Foam 獨家專利設計，上層用環保無毒性EPP 壓縮物料，具有一級承托力，不怕受壓而變形，而角度程40 度， 剛好配bb坐得更舒服及安全，以人體工學設計，配合蘋果形加厚防滑軟墊，符合bb 小patpat 的形狀，及坐得舒適穩定。而下層是具有高彈性、高吸震力及柔軟貼身的聚氨酯物料， 能根據不同媽媽或爸爸身形，温柔環抱住我們的下腹部，所以爸爸媽媽揹得舒適，bb 更加舒適。另外很喜歡腰帶傍邊既小袋子， 可以放電話或小小跟身財物，十分方便。仲有一樣係我特別考慮原因，就是獲得「髖關節健康認證」，腰櫈揹帶可托高bb雙腿以維持M字型姿勢， 能減低關節炎的受壓程度，有助bb脊椎及髖關節健康發展，所以呢點好重要。 用後感，真係比想像中舒服，我和綿綿爸爸揹得耐都唔會感到腰痛，平時唔願瞓覺既綿綿， 用揹帶揹住情況下都可以小睡一陣，感覺綿綿一定很喜歡！ 我係沙田既一田百貨入面[小赤足]個counter購買，不得不讚當日店員，除了服務態度好，佢講解得好清楚，又做demo 比我睇，令我好容易明白呢款揹帶各種功能。小赤足有好多bb用品，有興趣媽媽可以到佢地 facebook 或 website瀏覽 https://www.facebook.com/littlebarefeet/ http://www.littlebarefeet.com 作為新手媽媽今次又學到新知識，因為綿綿， 我先有機會去了解揹帶，原來簡選揹帶都是一種學問，又要安全，又要爸爸媽媽及bb用得舒適， 又要講求健康，真是不簡單。 *特別鳴謝綿綿爸爸幫我地影咁溫馨既相~ 歡迎隨時follow"綿綿媽媽"的足跡: https://www.mamibuy.com.hk/home/13092 https://wow.esdlife.com/sukimama http://mami.presslogic.com/author/suki/