天竹呢個超強颱風黎之前，我就叫左媽咪一早準備定2日既餸~  正所謂，大既唔食，細既都要食！ 媽咪一早就為蠔豉妹妹買定南瓜、紅蘿蔔、西蘭花、雞肉同瘦肉~  我呢個搞搞震既媽媽就決定要用新既美的免油炸寶MF20B黎炸南瓜條 :p  我知有好多人都覺得BB食炸野好油又唔健康，不過我之前睇過一個台灣學者既說法，話其實全走油鹽糖都係一種過度保護...  所以我宜家煮野俾蠔豉食都會加少量調味料~ 最近呢個免油炸寶就可以唔落油都可以炸到野~  所以就成就左蠔豉妹妹既第一次 :p    整呢個炸南瓜條只要一種材料！  就係南瓜~~  切好細條就ok，我覺得唔好切咁幼會好啲，太幼好易炸燶...    首先200度預熱5分鐘~    之後放晒入去，再炸8分鐘~    其實都炸得ok~ 我貪心再翻轉啲南瓜條炸多5分鐘... 點知就有啲燶左...    炸出黎好靚~ 係邊位有少少燶~    因為本身南瓜就甜！ 所以無調味都好好食~  我分左幾條俾蠔豉妹妹食~    果然一試愛上 :p    下次要試下炸蕃薯先~   用免炸寶真係好好，唔洗落油，又易洗~  所以山竹嗰日我仲用佢整左蝦！下次再同大家share~   Facebook : 80後的人妻「旅」友  &  蠔豉妹妹之貓奴生活 Instagram : https://www.instagram.com/wingring 合作／邀稿 : wingring417@gmail.com / wingring@ymail.com