有日同Bella行超市， 佢係咁指住個小冬瓜話係青瓜， 心血來潮我就買左個， 諗住用黎做一個迷你版冬瓜盅比佢食。 雖然有點秋意，但天氣仍然時濕時焗， 冬瓜食療可以幫助去濕排毒。   整迷你冬瓜盅都係貪得意貪靚， 平時買大冬瓜都可以整冬蓉羹來親子共食， 今次冬瓜盅內的就是冬蓉羹， 可以做湯品，也可以做泡飯， 一歲以上BB已經可以食了。 《BB食譜：Q版迷你冬瓜盅》    其實用料的確可以按自己及BB喜好， 只要有冬瓜成為主角就可以了。 若要追求味道是否配搭， 那可以按Bella媽的選料來做。   材料（兩碗寶寶分量）： 小冬瓜一個 免治梅肉兩湯匙 乾冬菇兩隻 粟米粒一湯匙 蝦仁隨意     另外若喜歡做蛋花， 也可預備一隻打發好的雞蛋。     做法： 1. 先將底部一小部分切平，以便可將冬瓜平放。   2. 再將冬瓜切半，用鐵匙刮走瓜囊， 然後再刮出瓜肉備用，留意周邊最少要保留1.5cm瓜肉。   3. 若要追求視覺，可沿邊切角。   4. 留起的瓜肉可切碎切粒備用。   5. 將冬菇洗淨，放凍水中浸泡，水位剛浸過冬菇便可。    6. 軟冬菇後，將其去頂再切小粒， 喜歡的話冬菇水可留著做湯底。   7. 把蝦仁切粒。   8. 做冬瓜羮的材準備如下。   9. 水滾後，將冬瓜隔水大火蒸8分鐘，再轉小火蒸5分鐘。   10. 切勿過度蒸熟冬瓜，否則冬瓜太軟沒有承托力。 圖為剛好的程度，底部接近根位是不會完全透明的。   11. 鍋中放入兩碗水，當中可混合之前備用的冬菇水。 如想更理想，可用我之前教大家做的 "自製急凍昆布菇湯" 來做湯底。 水滾後放入粟米粒，冬瓜蓉及冬菇粒。     12. 再加入豬肉碎，蝦仁粒。     13. 用兩茶匙生粉與兩至三湯匙凍水混合攪拌， 然後倒入鍋中將冬瓜湯變成羮。 **濃稀程度其實可按自己喜好調製， 若想濃黏些則放多點生粉水。     14. 最後加入蛋液快速攪拌成蛋花。 需要的也可加鹽。   15. 完成後可倒進冬瓜盅內享用。     迷你冬瓜盅其實對大人來說， 只有花巧的造型，但對小朋友來說， 是蠻有趣又好奇的， 就像之前我做過的原隻南瓜他焗彩星粉一樣。 今次Bella食完後， 總算知道這是個冬瓜而非青瓜:-) 。 下次Bella媽想整BB版雞翼食譜， 有興趣就留意我地Facebook更新啦！         ************************************************************************ ~ 許許與小BELLA ~ 隨性的玩樂型媽媽~ 喜歡做BB特色料理~ 愛分享BB好物情報~ 記得留意我地FACEBOOK瀏覽更多玩樂情報及BB食譜啦~ FB專頁: www.facebook.com/huihuiplayground 聯絡我們: jassmine_tea@yahoo.com.hk       IG:  https://www.instagram.com/huihui_bella/ ~ BLOG足跡 (BEAUTY, LIFESTYLE,  MOM & BABY) ~ BlogSpot   PINEXT   OpenRice  ESD LIFE  TheZtyle  She.Com BeautyExchange   OH!爸媽!  MyBB.Com  香港媽咪幫  UBABY   親子日常  EASY PAMA  Parent's Daily  媽媽經