前幾天，由於要外出飲宴，要擺低細佬月幾個鐘 正值上左奶嘅時間，個胸好快就會谷 出左去6個幾鐘，skip左餵2餐，慢慢覺得開始胸痛，發燒，好攰，心知係乳腺炎嘅開始 返到屋企，想即刻埋身餵，可惜BB啱啱食飽一餐，都只係吮左幾啖，唯有自己泵出來 短短半日時間，某啲乳腺塞住左，就引發今次嘅乳腺炎 當晚至第二天，開始發燒頭痛，胸部某啲位掂一掂都好痛，但正值十號風球冇醫生睇，唯有食止痛藥頂住先，暫時止到痛同退到燒 但藥力一過又反覆發燒，全身冇力 我 Keep 住比BB吮清啲，有發燒就按時食退燒藥，過左2日，終於好返 問過健康院的醫生，有冇建議咩藥可旁身，等下次突發時有準備 醫生話都係用止痛藥/普通必利痛去止痛，因為如果 keep 住痛都會減少奶量 至於通乳腺，健康院話冇建議任何藥品，但就話坊間有啲卵磷脂 supplement，可能有助乳腺暢通 而最有效嘅方法，都係比BB吮清，BB下巴對住乳腺塞嘅位置吮就可以通到該位置 ! (我個人覺得呢個tips好有用)