經驗話我知， 帶BB出街， 咩都可以漏帶， 唯獨係唔好漏帶爸爸， 喺街有錢都無得買。 縱使爸爸喺屋企係豬隊友， 但一出街作用強大。   上次Bella爸無同我地一齊去上海， 我每日就揹住抱住廿幾磅嘅Bella外出， 出發前又懶醒咁話唔使帶BB推車， 以為佢識行就掂， 結果要抱起佢嘅機會原來好多， 搞到每日都越洋同Bella爸嗌救命， 我隻手痛到發炎， 所以下次出外還是要帶埋爸爸的好， 否則就真係唔好貪一時方便，一定要推BB車。   爸爸通常都鍾意用揹帶揹住Bella， 佢話咁先夠安全， 又可以空出兩隻手出來拎野聽電話。 我地其實都有兩條hipseat揹帶， 設計大致都一樣， 不過今次呢條Hugpapa就有點與別不同， Bella爸覺得好鍾意，原因如下。   佢個名改得好貼切，Hugpapa， 呢條揹帶可以話係為爸爸而設， 我仲揀呢條炭黑色幾型嫁， 就係為左比Bella爸用， 講真，今時今日出街， 我見爸爸用揹帶嘅比例就快多過媽媽用了。   而Hugpapa喺設計上有突破， 就係當揹起BB時， 又或爸爸媽媽交替來揹時， 已經唔使用隻手拗後又扯又拉咁重新調較鬆緊闊度， 只需轉動前方嘅BOA Dial-Fit 按鈕， 就可快速輕鬆收緊或放鬆， 呢點就係我地非常buy嘅地方。   Hugpapa 3合1 Dial-Fit 嬰兒揹帶係韓國設計及生產， 亦已獲韓國KC 工業製品安全証書， 而且仲由國際髖關節發育不良研究所 (IHDI) 正式承認為臀部健康產品， 同時亦用上 BOA , YKK 及 Woojin Plastic， 三個國際品牌配件，有信心保證。   Hugpapa外層布料有Teflon 塗層， 可防水防風， 裡布就係100%棉花製造， 減低BB敏感機會。   Hip seat亦都可以拆開佩戴黎增加增加靈活性， 面層有蜂巢形防滑物料， 採用全透氣網眼布料， BB會坐得舒服。 負責揹嗰個都好舒服。   配件仲有對全棉咬咬巾及護頭罩， 啪鈕設計隨時可拆下清洗。   而且只有660克的重量，好輕身， 所以帶出去standby都唔會太重或阻訂。 揹帶適合3個月BB至3歲嘅小朋友， 最高可載重15kg。         而家一田BB展做緊特價， 準備買揹帶的話可以睇睇~~ https://www.facebook.com/HugpapaHongKong/ https://www.jaydenbaby.com/   ************************************************************************ ~ 許許與小BELLA ~ 隨性的玩樂型媽媽~ 喜歡做BB特色料理~ 愛分享BB好物情報~ 記得留意我地FACEBOOK瀏覽更多玩樂情報及BB食譜啦~ FB專頁: www.facebook.com/huihuiplayground 聯絡我們: jassmine_tea@yahoo.com.hk       IG:  https://www.instagram.com/huihui_bella/ ~ BLOG足跡 (BEAUTY, LIFESTYLE,  MOM & BABY) ~ BlogSpot   PINEXT   OpenRice  ESD LIFE  TheZtyle  She.Com BeautyExchange   OH!爸媽!  MyBB.Com  香港媽咪幫  UBABY   親子日常  EASY PAMA  Parent's Daily  媽媽經