唔經唔覺做左半個月FTM, 每日都好倦好倦⋯⋯不過見到裕喬喬每日都開開心心，又真係覺得幾倦都值得！而家跟住個時間表去行，裕喬喬又好似幾OK，睇下大多少少會唔會改變下先～ 而家既生活習慣大致上係： 6:30 訓住食奶 8點前自然醒，醒左係笑笑口，唔係阿愁個朋友；9點前落街食早餐 - 一份餐2個人食，佢食多士同蛋，我食個粉同飲品，再帶多盒奶俾佢 食完早餐就去玩，有時去公園、有時去室內遊樂場～～如果準備左午餐就由佢玩到12點零，冇既話就11點半就要閃喇～跟住去買餸煮飯～ 下午1點前會食午飯，如果係屋企就食完飯就玩一陣、睇下書～到3點零就俾枝奶佢食完就訓～～ 裕喬喬既午睡時間大約係3-6～～亦係媽媽既私人時間～～可以做家務、整定晚飯、慢慢沖個靚涼！！勁耐冇試過慢慢沖喇⋯⋯而家終於有番呢個機會喇 6點零老公番黎就會幫裕喬喬沖涼，爸爸同裕喬喬既親子時間～（由一出世開始，90%都係爸爸同佢沖涼～）我就同一時間煮埋個飯～ 7:30 左右就開飯喇！！自己煮就多數跟我地食，所以我地夜晚好少出街喲～～歲半打後就開始加少少鹽做調味～～我煮餸又可以再多d變化，當然濃味野仲未食得啦～ 8:30食完飯，就輪到爸爸陪玩時間，一路玩到10到～ 最後10點上床，再俾多枝奶佢食就訓到第二朝喇～～～通常我都會倦到同佢一齊訓左～～ 做左人阿媽咁耐，覺得呢半個月佢係笑番之前年半既時間咁～～同埋突然講野多左，雖然仲係成日講BB話，好過之前唔講野，以為佢有問題～～而家已經識得一次過發2個音叫爸爸同媽媽，唔係單字添喇，超感動呀～～    我家裕喬的PAGE, 媽媽盡量每日UPDATE喲~ https://www.facebook.com/JacoYK/