澳門美食多、賭場多、酒店多。咁親子除咗去酒店入面嘅付費Playhouse之外，仲有咩好地方玩、放電得嚟又係低消費嘅呢?   本篇文要介紹澳門低消費嘅小朋友放電樂土「燒灰爐公園」，燒灰爐公園位於澳門半島近住宅區嘅位置，喺燒灰爐街與西灣街之間。由於係近住宅區，所以玩完之後想喺附近搵間餐廳都無。   ▲ 燒灰爐兒童遊樂場正門口   ▲ 從入口處，行數步就馬上見到電動車場嘅活動範圍 公園入面除咗有一般兒童遊樂場設施、滑梯、攀架之外。最吸引人嘅就係，有模擬真實道路交通環境嘅電動車場。 ▲ 駕車嘅空間都好大，每節大概有6部電動車左右。 而玩一次電動車，價錢亦相當平只係MOP5 = HKD5，玩15分鐘。 ▲ 準備開車啦~ ▲ 以民政嘅規模嚟講，我覺得設施同埋空間都做得好好。 ▲ 電動車車票售票處 ▲ 手持收據，收據背面會有人數寫上編號，記得留意聽住每節工作人員嗌Number哦~ *電動車只供6歲以下小朋友玩 兒童遊樂設施 公園吸引之處，除咗有得平玩電動車之外，旁邊仲有一個放電兒童遊樂場。可以讓小朋友在等候電動車嘅時候玩，或者玩完電動車繼續放電。 玩樂組總共由兩組拼合而成。 ▲ 舊式鐵皮滑梯 ▲ 兒童遊樂設施指定嘅攀爬組 ▲ 鐵皮滑梯真係超好玩，因為夠「扇」。 ▲ 另一組兒童遊樂設施 ▲ 彎彎曲曲嘅滑梯 ▲ 澳門嘅轉轉方壽遊戲內容非常有心思，A for Apple、C for Cat。   ▲ 公園仲有洗手間 而燒灰爐兒童遊樂場旁邊仲有好多影相靚位，玩樂過後都不忘影相留念，留個倩影。         【燒灰爐兒童公園@澳門】 地址：澳門半島公園街12號 開放時間：星期一至日上午6時至晚上8時 入場費用：全免   [前往方法] 巴士：6B、9、9A、16、18、23、28B、32、32T、N2，於燒灰爐站下車，步行約10分鐘就到達。 **由於巴士嘅站都好多，建議大家計劃好行程再揀合適嘅巴士乘搭。 詳細巴士路線資訊：https://motransportinfo.com/bus/stop/M181   【澳門親子遊】澳門百老匯美食街。VR小火車、小朋友玩樂點、超正牛什火鍋 【澳門親子遊】金沙城廣場。超正!大型玩具店「Kid’s Cavern」 【澳門親子遊】澳門銀河Galaxy Macau 。「天浪淘園」。白沙沙灘、衝浪池 【澳門親子遊】行程簡介：天浪淘園、Kid’s Cavern、VR小火車、燒灰爐公園   ［澳門親子遊其他有用資料及行程］ 辦理BB旅行證件：https://goo.gl/QduTWG 其他親子好玩行程： 澳門大熊貓館：https://goo.gl/dkWQgA 澳門科學館：https://goo.gl/p3mogn   -------------------------------------------------- 歡迎聯絡我&和牛B: chungying56@hotmail.com Facebook專頁: 和牛B嘅成長專頁 Instagram: wagyubmami                -------------------------------------------------- 姊妹合作**Precious M accessories** 利用剩餘、過期的母乳，自己動手做屬於自己的首飾，母乳媽媽給自己的小獎勵，做法簡單自己都做得到。