回吓帶先~媽媽又去上堂喇~ 今次係 兒童心肺復甦課程 事緣上次去嬰兒心肺復甦時, 阿SIR話"你個仔歲半, 係要用兒童0個隻救法ga na~~ 去學兒童心肺復甦啦~" 就係咁, 夾埋班媽媽朋友, 再响d public mama group招吓生, 就促成咗呢一班了~   山竹來襲前一日, 焗熱到傻... 行到去已經濕晒.... 好快咁拎咗場, 就開始上堂喇~~   繼續係連埋哽塞一齊上ge~    先講哽塞, 一歲以上ge小朋友(其實大人都適用)就唔係好似BB咁, 放响大比反轉拍ga na~ 係鼓勵佢咳出嚟, 同時間大人同佢拍背, 記住, 都係拍雞翼骨中間, 同埋用手掌根位 (下圖紅圈位) 拍落去, 最好同患者同一level, 即係你同個大人拍佢企响度你就企响度拍, 如果小朋友企响度, 咁你高佢成半個人ga ma, 就要跪底同佢個頭仔same level咁拍喇~ 拍5次   **留意返拍小朋友時d手指唔好拍埋落佢後尾枕度**   拍拍都唔得, 就要用推腹法, 企 (或跪) 响佢身後, 患者身體向前傾, 雙手攬住佢個身, 一隻手jar拳頭, 另一隻手捉住個拳頭, 即係咁 哽親個人望落去見到你對手係咁放就啱位喇~ 放响心口骨最底同埋肚臍中間, 用力咁向身體同埋向上推壓, 1-2秒就夠, 重覆5次  如果咁都咳唔到出嚟, 就再重覆咳+拍, 再推腹   **留意返, 如果哽親0個個係大肚婆, 都係環抱佢, 但對手放响胸骨上面, 唔係放肚位, 你唔係要幫佢推個仔出嚟呀**   咁都唔得, 就報警啦, 因為好快佢就會哽到抖唔到氣, 暈低, 要做心肺復甦喇   如果真係暈咗, 丫開佢個口睇吓見唔見到哽塞物, 有時d菜好大條又心急吞, 就會半天吊响度, 可以拉到出嚟順返條氣就最好啦~   心肺復甦   幾時開始係用兒童心肺復甦唔係用BB呢? 就係由一歲定為一條界線, 但如果個小朋友已經歲幾但係仲勁細粒好似人地得10個月大咁呢? 咁就用返BB心肺復甦 今次教學用ge公仔 首先都係要將患者平訓响地下, check吓仲有冇反應先, 同check BB有小小唔同, 可以拍拍膞頭仔試吓叫醒佢 冇反應就挨耳仔埋佢口鼻, 手掌邊輕按住額頭, 另一隻手手指輕輕逗高個下爬, 等佢抖氣位順返先, 對眼望住個心口同肚有冇起伏, 一般有呼吸ge話會見到個肚郁, 觀察大約10秒鐘 郁都唔郁ge話, 用手踭支撐地下, OK手勢咁食指同手指公nin住個鼻, 另一隻手繼續逗起個下爬, 吹氣2次, 以目測到心口微微脹起為之成功 吹氣之後, 就搓喇~!! 同BB一樣, 搵2粒奶之中間0個點嚟出力, 單手手掌根壓落去 1. 壓落去0個隻手要直, 係用個身ge力壓落去, 唔係用手踭力 2. 另一隻手要輕輕hold返住個頭個位呀~ 壓落去ge深度大約係5-6cm, 約2節手指位, 患者身體厚度ge 1/3 自己數返01 02 03 04 咁, 大約1秒按到2吓就最好, 按完30次再檢查有冇呼吸, 口入面有冇野tun到出嚟, 有就撩走佢   因為有時可能係有野哽响度塞住咗氣道抖唔到氣暈, 個人暈咗肌肉放鬆, 加埋你同佢不停咁按心口, 可能比你吱到佢出來都唔定, 如果冇咩反應就繼續吹2次, 按30次, loop到... 1. 有救護員嚟到接手為止 2. 有第2個識心肺復甦ge人接手為止 3. 你已經自己都冇晒力 4. 最好梗係患者醒返大家收工啦~   其實一般做得正確ge心肺復甦, 功率大約等如一個人平時呼吸心跳ge 30%, 就咁聽, 得30%功率好似好0徒氣, 但當一個人已經冇咗心跳同呼吸時, 你呢30%就將佢响死亡邊緣拉返嚟, 千祈唔好諗住我考試唔及格呀一陣搓死佢點算, 我驚太大力壓斷佢肋骨wo.... 都係上次0個句, 斷肋骨有得醫, 死咗你有一排靚肋骨都冇用   米豬豬的page~ 每日都update~  歡迎各位like&follow~ 亦都歡迎大家聯絡我同米豬豬一齊試用產品或合作~ https://www.facebook.com/NereusYu/