自從有左綿綿後，發現好多用具都係必備的。除左奶泵同奶樽係必需品外，蒸氣消毒器都係不能缺少的。 始終要俾bb 飲，除左使用嬰兒專用洗潔精清洗奶樽同奶泵，清洗後亦都要進行消毒會比較安心同安全。 買之前我有係媽媽谷問過好多唔同嘅意見，最後我終於都揀好一部蒸氣消毒器，聽啲媽媽講話只要6分鐘就可以完成全個消毒過程，方便又快捷，如果未打開消毒煲，可以維持消毒狀態長達24小時。機身size較扁身，十分慳位，唔會佔太大地方，三合一設計，可因應唔同需要改變機身高低，最多可放到6個奶樽，絕對夠用。 係新買返黎第一次用之前，我會先清洗機身，然後加100ml水係最底層，插好電源，開機steam一次消毒晒全個機身先。而到真正使用時就十分簡單，先抹乾最底層，同樣加100ml水，之後再將清洗好的奶樽及泵奶器配件放入機身內，下層會放奶樽及較大件配件，上層會放奶咀、蓋及細小配件，放完蓋好後再開機steam，快到只需6分鐘就會自動關機，消毒就完成喇！(底層嘅水量多與少都可能會影響所需嘅消毒時間架)都要視乎你呢部機附送左一個夾，方便可以輕易將奶咀夾住裝好而無須接觸到雙手，感覺比較衛生。 仲有2個月，綿綿就開始學習食固體食物，將來就可以將bb餐具放入機內消毒，所以消毒器最小可以用到2至3年，不過記得要選用能抵受100度高温嘅餐具。 作為新手媽媽，真係要不斷嘗試唔同產品及學習新事物，幸好有媽媽係網上及媽媽谷嘅分享，我先可以知道更多知識及好用產品，所以我用開嘅產品如果覺得好用，我都一定會同大家分享架！ 歡迎隨時follow"綿綿媽媽"的足跡: https://www.mamibuy.com.hk/home/13092 https://wow.esdlife.com/sukimama http://mami.presslogic.com/author/suki/