一年容易又過咗中秋，之後天氣就會開始變得乾燥，今次介紹一款簡單又合時嘅滋潤暖身特飲畀大家，食材簡單就完成，就係桂花蜜糖雪梨汁！ 材料： 雪梨 4-5個 桂花碎 適量 冬蜜 適量 步驟： 1. 洗淨材料，將雪梨切件放入慢磨原汁機，啟動榨汁功能 2. 將桂花放入雪梨原汁，中火隔水蒸10分鐘 3. 最後落冬蜜輕輕攪拌就完成 4. 如果唔鍾意飲落啖啖都有桂花碎，可以隔走大部份或者全部 小貼士： －市面上有現成嘅桂花蜜賣，可以蒸完雪梨汁直接放落去，代替桂花碎同冬蜜 －桂花蜜要見到粒粒桂花嗰款，好多雜貨店都有，間中先喺超級市場見到 －蜜糖係一種天然食品，所含嘅單醣喺唔需要經消化就可以被人體吸收，對婦女、幼兒同長者特別有保健作用，就算我哋日常飲用都好養生同預防氣管問題 －秋冬特飲亦可以用燉嘅方法，將冰糖代替蜜糖，再加入杞子、桂圓等等將雪梨原汁隔水蒸30分鐘，都係簡易完成 是次小分享完畢，有興趣可按 麵語錄食玩遊記 by Aminn 或 C家重地 其他分享 :)     Aminn | Beauty．Food．Fun．Travel．Trendy｜    麵語錄食玩遊記 by Aminn (Lifestyle) www.facebook.com/m.for.aminn / www.instagram.com/starzaminn      C家重地 (Parenting) www.facebook.com/sy.lam.family   任何合作請接洽：aminn613@gmail.com