山竹過後, 開始有小小秋涼ge感覺, 媽媽我個喉嚨仲有dd乾tim呀~ 拿拿臨煲返個節瓜淮山螺頭湯潤一潤佢先~!!   材料: 節瓜 2個 螺頭乾 3個 茨實 1湯匙 淮山 6-8塊 無花果乾 2粒 瑤柱 2粒(可以唔落) 豬展 中型1個   做法: 1. 螺頭浸水最小6小時, 洗乾淨後切開3-4件備用  2. 豬展洗乾淨後跑活水, 沖乾淨備用   3. 瑤柱浸水20分鐘 4. 淮山, 茨實, 無花果洗乾淨, 節瓜括毛後一開二 5. 湯煲放大約2/3煲水(約2公斤升), 水滾後先落螺頭, 瑤柱, 淮山, 茨實  6. 再滾就落埋節瓜 7. 節瓜都滾埋就落肉, 中火滾5分鐘 8. 全煲湯滾15分鐘後, 轉最小火, 煲2-3個鐘, 咩都唔駛落, 飲得    米豬都爭住飲的湯~ 因為真係好鮮甜啊~~~   煮食小貼士: 1. 乾螺頭唔浸返6個鐘以上, 你係劈都劈唔落ga~ 而且d鮮味仲會困响入面出唔到味, d湯會冇咁好飲, 所以想飲靚湯最好一朝早/之前一晚浸定喇~ 仲有呀~~ 螺頭好滋陰ga~ 各位媽媽們記得食埋佢呀~~~ 2. 淮山健脾, 補肺腎, 秋冬飲多d, 小朋友都要飲多d~~ 3. 無花果有小小消炎作用, 秋冬天氣乾淨係想咳呀喉嚨痕咁, 落埋佢煲湯就可以舒緩吓喇~ 4. 冇乾螺頭用急凍螺頭代替都可以, 解凍後洗乾淨, 我會跑活水先拎去煲湯~    米豬豬的page~ 每日都update~  歡迎各位like&follow~ 亦都歡迎大家聯絡我同米豬豬一齊試用產品或合作~ https://www.facebook.com/NereusYu/