能量磁排毒緊緻護理   媽媽咪都要變靚啲，雖然做左兩個b嘅媽媽，但邊個話做左呀媽就唔可以貪靚嫁？所以平時除左全心全意湊佢地之餘，偶爾都要抽啲時間保養下自己   今次就去試左呢個Treatment，真係好舒服好正。首先美容師幫我卸妝及洗完面。 之後就幫我做磁力淨化去角質，擦上磁力去角質啫喱，呢個去角質啫喱嘅成份有助舒緩敏感嘅皮膚，擦左上去會感覺涼浸浸，同埋會有好多一點點一點點既黑色粒粒 呢啲黑色一點點嘅粒粒其實係能量磁石粒子，之後美容師會再用呢個「儀器」係面上輕輕按摩，過程中會聽到滋滋聲，但放心其實感覺同平時洗臉輕輕按摩一樣，唔會有任何痛嘅感覺，滋滋聲其實係啲磁石粒子正吸走臉上嘅粉刺同油脂。 去完角質之後就做左個離子噴霧，幫助皮膚做返個保濕。 再下一步就係無痛鉗清，呢個真係好舒服，平時無論美容師幾好手勢，針清嘅時點都會有少少痛嘅感覺，呢個鉗清真係，真係，真係一丁點痛嘅感覺都無，（重要既時情要講三次），但都可以清到黑頭粉刺，即刻唔明何解平時要受呢啲皮肉嘅苦 清乾淨哂就可以開始做第一個面膜，乾淨嘅皮膚先可以吸收到最多嘅營養，呢個係paper mask黎嘅，叫磁力淨化排毒面膜， 敷緊mask嘅途中，美容師仲會幫我按肩頸，真係好relax 完成左第一個mask之後以為就咁就完左，緊係唔係啦，跟住媽媽咪又試新嘢，叫【貝爾杯療法】： 美容師會用貝爾杯係我既臉部同淋巴位置做按摩，係可以幫助到皮膚做排毒去水腫，令皮膚變得緊緻同提升，美容師仲專登做完一邊比我睇下個效果，做完個邊面嘅線條明顯提升左，firm左，無咁腫仲白淨左tim 佢地呢個treatment 真係一啲都唔馬虎，之後仲會有一個深層嘅面部按摩，令面上嘅每一寸肌肉都可以得到放鬆，我地呢啲長期唔夠瞓嘅媽咪，真係好鍾意呢啲咁relax 嘅moment ,最後再補多個磁力緊緻面膜，真係舒服到瞓著。 今次呢個Treatment 真係好舒服，而且效果相當明顯，媽媽咪我做完之後塊面同條頸隻色差一度，其實好似唔止，而且水腫都無哂，面部線條出返哂黎，唔使再浮浮腫腫，真係好值得推介，而且呢個療程孕媽媽都做得嫁，但按肩頸就會轉左做膠原頸膜。 做完真係精神好多！就算唔化妝都見得下人：     Facebook：https://www.facebook.com/Mr.Ms.Yellow/ IG:mr.ms.yellow