每朝出門都開始感覺到秋意綿綿  涼風吹過十分舒服  但每逢轉天氣   小朋友都較易病    加上包包而家返幼稚園  同小朋友一齊相處 好容易交叉感染   如果抵抗力差啲就會引起流感發燒等 近來媽媽谷仲瘋傳話幼稚園開始爆發手足口 Touchwood如果骨牌式效應再傳染畀細佬b  工人姐姐  爸爸.... 後果不敢想像  有見及此   一定要定期煲增強抵抗力的湯水給全家 今次米高媽媽就介紹這款無添加天然甜五色彩虹雜菜湯  材料分別有 紅色代表 - 蕃茄    日本研究的蕃茄冷知識 Q1. 大大個蕃茄，邊部分含有最多茄紅素呢？        答案就係外皮！ Q2. 幾時食蕃茄最有益?        原來係朝早  (研究指朝早食蕃茄  茄紅素嘅吸收量比晚上食高出2倍有多)        因空腹狀態可令營養素更容易被吸收   亦提升吸收率 Q3. 蕃茄最好的食用方法?        蕃茄+橄欖油的加熱組合  (加埋橄欖油一齊食可以使茄紅素的吸收率提高1.6倍)        而且蕃茄點樣加熱都好   茄紅素都唔會流失   所以煮熱反而比生食更易吸收 橙色代表 - 甘筍       黃色代表 - 粟米       綠色代表 - 椰菜       紫色代表 - 紅菜頭  紫色代表 - 紫洋蔥  洋蔥小知識 1.買洋蔥時要買那種重身的   表皮乾燥緊實    沒有損傷   也聞不到味道 2.買回來的洋蔥要放在低溫、乾燥、黑暗且通風良好的地方 3.不要把洋蔥儲放在膠袋裏，否則令本來耐放的洋蔥很快腐爛 4. 生食或拌沙律是最好的洋蔥食法   包包是個鍾意飲湯的小寶寶    所以今次佢都要自己睇下彩虹湯嘅材料夠唔夠新鮮 順便可以教佢認識各種蔬菜 至於摘椰菜    其實小朋友都可以自己幫手撕碎及洗菜 材料包括: 蕃茄一至兩個       甘筍 / 紅蘿蔔一條     粟米一條        椰菜數片       紅菜頭一個    紫洋蔥半個   水2.5L 簡易三步曲 STPE 1 : 洗淨食材 , 切件  STEP 2 : 把所有材料放入煲內及加水 STEP 3 : 中火煲約45-60分鐘  無添加天然甜五色彩虹雜菜湯就大功告成    包包初時見到湯的顏色同平時有所不同   有少少抗拒 但一飲發覺味道清甜    飲完再追加 其實湯渣都好有益  甘筍同粟米都是甜甜的 而且煲淋左既湯渣仲可以整成babyfood俾小朋友食 健康小TIPS: 小朋友記得要多做運動   多飲湯水    多食生果  早睡早起   勤洗手  做個健康happy baby    ______________________________________________________________ Like 包包陪細佬b看世界 facebook專頁    仲可即時知道更多有趣育兒資訊分享 (米高媽媽育兒理念 - 從貼地體驗生活中成長)   資料來源:  紅菜頭    蕃茄   甘筍    栗米    椰菜    紫洋蔥