7月26日，平時訓到12點先起身既我8點就覺得好急急，就去左vivi抹完著番底底時， 咦！濕既？ 當時我重以為自己屙濕左，換左條褲再訓過，過多一小時，睡夢中既我feel到有啲暖流流出黎，只係好少好少，但已經覺得唔對路，都係入院隱陣， WhatsApp 比老公知我穿左水，佢9秒9打黎，口震震咁話: 「老老老婆唔洗驚，你你你入左院先，唔洗驚架唔洗驚架，我lunch會會會黎睇你，你你你幾點左右會生得？」哈哈哈，可愛老公，不如你冷靜少少先，我鬼知幾時生得咩 XD 入到院護士已經話今次一定生埋先出院架啦，拿拿聲打比陪月問佢有無期(陪月都好經典，之後打另一篇blog) 一開始係助産士幫我檢查，睇下我開左幾多同埋確認真係穿水，過左2 3小時，有一個見習醫生拎左個鴨咀夾黎內診，隔離個助産士見佢放左個夾落黎先講; 「你放個夾入去做咩？佢穿左水架啦」 (=口=) 之後見習醫生就要check 我開幾度，佢就皺晒眉頭，係咁撩係咁撩，佢一邊撩我啲羊水就係咁湧，不過佢撩左成分鐘都唔知我係開左幾多，最後係另一位助産士check，開左2指 之後就check 宮縮，平均5到8分鐘一次，但未算好強，所以都係要上房等 等呀等，終於〜！我等到老公黎啦！！！❤️ 個時陣痛都痛，但都重好輕鬆，加上我好忍得痛，老公每次見我陣痛就引我笑，搞到我重痛， 就係咁好快又過左探病時間，老公要今晚8點先黎到，可能黎到已經過探痛時間 OMG so sad 4點左右，開始黎科，痛到要控制呼吸，一邊呼吸一邊同仔仔講，等埋爸爸先乖丫仔仔 由於仔仔都好細粒，護士係我入院時已經話有可能要開刀，所以一直禁食，但5點半話可以食一餐，食完就又要禁食，由昨天晚餐後我一粒米都無食過，梗係食左先講，我強烈無視兩分鐘就一次既陣痛，好努力食，希望仔仔可以吸收到(雖然我都知無可能) 到9點幾老公終於黎左啦 ❤️❤️❤️雖然重係忍到既痛，但一見到老公我就忍唔住喊?)))禾真係巧辛苦也 老公係想安慰我，但佢話: 個個女人都係咁生架啦，無野架喎老婆 ........你同我開左隻窗之後跳落去！！！！ 個時已經用緊氧氣管，老公問點解要用，我就話因爲我陣痛時唔識呼吸仔仔心跳唔好，佢就話， 你要努力啲架嘛⋯ ..........你同我搭高幾層再跳落黎！！！！ 好快老公比人趕走左，護士就推我落去想比老公可以陪住我，點知落到産房先有人同我地講 太太得35w5無得陪産架啵 ....What the......!!! 手機被沒收埋就唯有靜靜咁等，過床時少不免比助産士鬧我過床過得慢之類，我覺得自己已經好合作架啦，說好的合作就唔合比人鬧呢?我都唔輸洩，用我既眼神d9哂話我既人，好似雷射眼咁不停掃低哂佢地 老公無得陪産已經覺得好委屈，重要無啦啦被人柄，個人又餓又攰，當所有人走哂我就開始喊，有個助産姨姨入黎見到我喊，比紙巾我同我講 「你過多陣就要做媽媽啦，傻既開心事黎架嘛，有咩好喊，乖無事」 太窩心！太感動啦！你講既野重岩聽過我老公丫！XD 到左十幾點，再一次內診，結果， 兩指... 兩指... 兩指... 兩指... 兩指......... Excuse me?! ？？？？我痛左14小時，都係得兩指一度都未開到？！ 形容不到個刻有幾絕望，護士話宮縮得未夠勁，再遲啲會打催生針，預要訓一晚 護士都咁講，唯有合埋對眼睇下訓唔訓到啦 過左十分鐘 shxx¥@¥&- 岩岩屙完vivi，陣痛完左，又黎急屎？ 我就睇下忍唔忍到先，過左一兩分鐘，再急過，好似要瀨咁，我勁唔好意思call人，阿仔你有無咁麻煩丫？ 「又要麻煩到你地唔好意思丫，我今次想屙屎，好似要瀨啦可唔可以拎個盤比我」 點知一入就20幾人衝左入黎 「拿你唔好生住，要著左衫先」 ...下？要生？唔係得兩指咩？???????? 「拿著好啦，出力屙啦」「唔好屙住！」 咦，咁我屙定唔屙丫？ 「321拉住扶手個人向前傾，閉氣用力屙」 「咩叫閉氣丫？????????????」 「閉氣你都唔識，合埋個口呀！！出力屙啦，得啦！！」 得...?得咩丫.....咦！！阿仔！你出左黎啦？！！？！我無感覺既喂？！ 因為早産仔仔喊得兩聲就無左聲氣，兒科醫生檢查完，護士帶左黎比我Check手指腳指健全，望下古古，望下樣，拎bb黎比我kiss左一下，就帶左佢去另一邊 我一邊望住，一邊比人係咁聯針，一聯就半小時，仔仔比人推走左 點解既？！點解丫？！！？不是可以伏係我到skin to skin 㗎咩？！ 我就咁望住個門口，仔仔比人推走左，之後一小時都係係到無用到任何止痛下不停聯針，我數到140幾下時放棄左再數，只知道聯針痛過生仔好多好多 另一方面又好心急想通知老公 一方面又好想見仔仔 終於聯好針，打得比老公，佢話仔仔真係好似佢，一定唔會認錯wwwww耳珠佛陀咁大，好型咁話XD 推出産房唔見老公，原來佢急左5小時唔敢去，去一去我就比人推左上房啦事後，佢嬲到鬧個的士司機佢一定傻左 我既生産過程就係咁，出世只有2.2kg既仔仔好努力食經過2個月終於有4.6kg 雖然都係好細粒好黑同好似爸爸XD 我會努力儲肥PaQ BABY的了 多謝睇到最後既大家
