天氣開始轉涼喇，又可以帶裕喬喬出去玩～但一日得24小時，同佢出去玩，又點有時間煮飯呢？！所以懶人菜式又出場喇～～今次係可以預先煮定既炆牛肋條，朝早炆定，夜晚煮番熱就食得～～～ 材料： 牛肋條 1包 蕃茄 6個 甘筍 1條 洋蔥 1個 香葉 2片 低鈉雞湯/ 水 適量    做法： 1. 洗淨牛肋條，跑活水備用    2. 蕃茄洗淨切開；甘筍去皮切粒；洋蔥切粒 3. 開鑊落油炒洋蔥同煎封牛肋條    4. 加入蕃茄同甘筍，再倒入適量雞湯煮滾，煮滾後轉細火炆2-3小時   話咁快就食得喇～～   二話不說就出手拎左甘筍黎食⋯⋯    P.S. 1. 如果想再好味d, 可以加1罐茄膏，個汁會即刻濃郁好多；又或者加冰糖去增加甜度 2. 個汁食唔哂可以留番起用黎煮意粉～ 我家裕喬的PAGE, 媽媽盡量每日UPDATE喲~ https://www.facebook.com/JacoYK/