今次去一田個BB展主要目的都係買濕紙巾，其實我覺得個個bb展都係大同小異，係視乎返各個家長嘅需要。   講返今次我就主要入手Huggies 嘅純水濕紙巾，30片x3包做緊$50/2件，平均每件$25，萬寧賣緊$4x件。我總共買咗8件，$200。如果你用開呢隻你就會覺得好抵買，當然會有更加平嘅同類產品，不過冇比較就冇傷害，我自己就用開呢隻，覺得佢純水成份好天然，同埋好厚身，仲有poohpooh圖案(我鍾意 poohpooh)。   另外我都俾moony隻濕紙巾吸引咗，$78有8包，每包有80片，計落呢個價錢好吸引，我朋友用過話好，所以我就買咗pack試，至於好唔好用之後話你地知！   今次bb展連我用開嘅Betta馬毛奶瓶刷都有優惠，以前買開$129，今日用$117就買到～我朋友介紹咗枝 米芝寶 洗奶瓶液俾我，聲稱用米做，成份天然防菌防霉無添加不殘留，都可以用黎洗生果，韓國製造。講到好唔買黎試下點得呢，$79得500ml，好似比同類產品貴，不過都係等我試完先話俾你地知啦！         詳情: 一田百貨Superbaby嬰兒用品展   日期：24/9-9/10/2018   地點： 一田百貨展銷場(沙田,大埔,荃灣), 一田超市屯門, 觀塘店，荃灣另設展場於荃灣廣場中庭及長廊，將軍澳東港城中庭另設特別展場(2-22/10)   https://www.yata.hk/tch/promotion.aspx