我的專頁也有很多有關產前，懷孕或育兒的資訊，歡迎讚好同追蹤，都可以透過專頁問我問題 https://m.facebook.com/urnursecare/ 我發現個個人入院都好鐘意同我講 “姑娘我見紅呀！” 十週又見紅，廿週又見紅，三十週都係見紅， 其實真正既見紅係點既樣呢？ 真正既見紅應該係好似圖3咁帶有一d黏液混埋少量血 點解會岀現呢個現象？ 大家可以睇下圖 懷孕時 子宮頸會分泌岀黏液形成黏液塞 可以有助防止BB受到細菌既感染 個當有作產現象時 黏液塞會脫落。。而子宮頸有好多血管 所以就會有黏液加上血液既情況 就係我地既見紅喇！ MAMA:咁見紅又唔肚痛。。我聽人講好耐都未生到喎姑娘,我入唔入院好！？ 姑娘我就當然答你。。 入院好 其實入院都唔係得個「等」同「悶」字既！ 有姑娘睇下係咪見紅 而且入院時都會幫你用部BB心跳機睇下bb心跳有無問題同子宮收縮既規律 大部分bb 心跳都無咩問題既！ 但姑娘我都真係見過入院剩係得見紅 但BB唔生性！ 心跳唔好要提早引產或者剖腹產架！ 如果見紅又唔想入院既 觀察就好重要 首先。。你要問自己幾個問題！ 1） 宜家幾多週！？ —>足月(即37週)之前既所有流血情況都唔正!!一定要入院 2）你第幾胎？ 第一胎呢。。就真係等得耐d既。。。 但之前這試過順產既通常會生得快好多！ 所以建議有作產徵狀要入院！ 確保BB岀世環境夠乾淨！ 3) 你真係見紅嗎？ 我話圖3係見紅既情況 咁另外個兩張呢！？ 如果係圖2既樣子。。。有d液體加d血水 其實我會擔心係穿左水。。。 穿左水就真係值得入院 因為可能要早d催生或者打抗生素！ 但係咪真係穿左水。。！？ 真係做檢查先會知。。 有時候就咁睇好難分係分泌定係胎水！???????? 而圖1既情況我就最怕 鮮血而又量多好似m 黎咁。。。 可以係見紅既！特別係就生之前見紅會好多！ 但都會好擔心係入面流血，例如胎盤脫落既情況！ 呢種有時我都分唔清！ 係需要既話醫生會做陰道檢查或照超聲波去睇!! 所以就一定要入院！ ————————————————————————- **發現見紅請大家著番衛生巾，因為底底無得換 。。深色既都好難觀察 **如果最後選擇唔入院就要密切留意胎動同作產情況呀！ 大家有無有關見紅作產既經歷可以分享下！？ #見紅 #作產 #講黎講去都係叫你入院 #安全最重要 #關你nurse事 #關你nurse事_懷孕資訊 #like吧 #share吧 我的專頁也有很多有關產前，懷孕或育兒的資訊，歡迎讚好同追蹤，都可以透過專頁問我問題 https://m.facebook.com/urnursecare/