「手眼協調」，我地成日都會聽到呢4個字，但到底係咩來嘅呢? 其實手眼協調係指人通過視覺信息，引導手部去做出一d精細動作。呢一切都係以正常視覺訊息接收同視覺感知力為基礎、再加上我地眼睛追視能力，仲有肌能動作嘅發展去達成的。 我一直覺得每個孩子都有自己專屬嘅發展節奏，手眼協調嘅能力係需要用時間同經驗不斷咁累積出來；我地做父母亦唔應該過度緊張同操之過急，盡量以正向態度，多鼓勵代替責備、以耐心支持，咁都係有助小朋友增強信心。     其實有時「做得唔好亦係一種練習」，我地父母、照顧者如果可以適度放手，孩子就可以得到更多嘅練習機會，亦可以係嘗試當中自己搵出解決方法、從而得到成就感，最終培養出小朋友嘅耐性同對挫折嘅承受度。      最近有些家長亦會問如何訓練小朋友嘅手眼協調，可能因為家長都知道讀寫能力同手眼協調其實係息息相關，擁有良好讀寫能力對小朋友將來嘅學習會有一定嘅幫助。       其實日常生活當中到處都係訓練手眼協調嘅機會，令小朋友可以自然又愉快咁活動，黎幫助佢地手眼自然地協調係最不錯嘅方式。       今次想同大家分享呢個小遊戲，就係大家都可以係屋企做到，只要購買圓形貼紙，加上我地用嘅圖案template，大家都可以輕鬆在家玩呀!         孖寶都好喜歡車，唔同類型嘅車佢地都好有興趣，所以我就循住佢地喜歡嘅事物，幫助佢地練習手眼協調，估唔到呢個小遊戲兩兄弟當時第一次玩都好鍾意，既可以刺激佢地嘅手部肌肉，又可以再強化佢地對顏色嘅認識。       今次我地用唔同顏色16mm嘅圓形貼紙去玩，孖寶見到d車車圖案已經急不及待好想開始，呢種貼紙小遊戲可以訓練小手嘅靈活度，非常岩d小朋友玩。       同一時間，亦可以培養小朋友嘅專注力，我相信咁專注應該都係呢d車車嘅威力大。     呢d製成品都係兩兄弟自己完成架，每次佢地都會自選擇要咩顏色，之後自己貼上去。 佢地自己完成到真係好開心，仲係咁要求再比多d車車佢地貼。     呢個小遊戲，可以分辨顏色，又可以加強小手靈敏度，仲可以培養小朋友嘅專注力，提昇手眼協調。 而且仲可以好好消磨時間…………哈哈~     大家不妨都試下，如果有興趣可以去我地Facebook專頁 荔枝與孖寶 相關這個Sticker樂嘅post上留言，領取呢d唔同款的車車template黎玩呀。   我和孖寶的Facebook Page: 荔枝與孖寶  我和孖寶的 Instagram IG#: laichimama   Oh爸媽 - ohpama.com: Featured Bloggers MamiBuy香港媽咪幫：駐站部落客 Sunday Kiss: Featured Bloggers SuperMami HK：Featured Bloggers Beauty Exchange：Certified Blogger WeShare HK 親子： 推薦博客 ESDlife: 「靚太星級榜」Blogger 廿四孝父母 - 24parent.com: Featured Bloggers 媽媽經台灣/香港站: 駐站作家 uBaby 懷孕育兒生活雜誌: 駐站作家 香港01: 專欄作家   If there is any question or you looking for me and the boys,  please feel free to contact LaiChiMaMa via Email: cherrywcchan@gmail.com