爸爸話呢兩日個人乾到爆燈，媽媽不敢怠慢！ 一早去街市買齊料，煲個潤肺清燥茶！一家人潤番下！ 屋企用淨左兩個桔餅，放埋落去煲，潤肺止咳。   蘋果: 生津潤肺 雪梨: 潤肺清燥 麥冬: 滋陰健脾 百合: 清熱安神 無花果: 清潤 桔餅: 潤肺止咳   材料: 1. 蘋果 2個 2. 鴨梨 3個 3. 無花果 3粒 4. 麥冬 1湯匙 5. 百合 1両多 6. 桔餅 2個 (可以唔加) 7. 水 3.5L   做法: 1) 蘋果刮去皮上的蠟，洗淨，去芯切件。 2) 雪梨洗淨，去芯切件。 3) 無花果、百合、麥冬浸洗淨。 4) 無花果剪開一半。(剪開才出味) 5) 桔餅用水沖走面上糖粉。 6) 鍋注入水，加入所有材料，大火滾10分鐘，轉小火煲1小時，完成。(如果唔夠甜，可加入適量冰糖)   notes: 1) 蘋果及雪梨連皮煲有一定功效。 2) 蘋果及雪梨需去芯，否則會酸苦。 3) 材料有藥材成份，要了解自己個人體質是否適合飲用。