入手咗阿華田做早餐，又唔想日日都齋沖嚟飲，原來阿華田都有其他變化？加入阿華田嘅法式多士營養豐富，仲可以隨意加入其他材料製作成鹹甜口味嘅法式多士，總之就係兩個字，簡單！ 材料： 厚切麵包 2片 阿華田營養麥芽3合1 2包(60g) 阿華田牛奶麥精 60g 水 200ml 雞蛋 4隻 楓糖/蜜糖 適量 步驟： 1. 將60ml嘅阿華田營養麥芽3合1同阿華田牛奶麥精各分別用100ml沖開拌勻 2. 每2隻雞蛋1碗發勻，再各自加入沖好嘅阿華田營養麥芽3合1同阿華田牛奶麥精 3. 將麵包浸入阿華田蛋液2個鐘或過夜，並放入雪櫃冷藏，中間可以拎出嚟翻一翻 4. 先調較中火燒熱隻Pan，加入牛油或橄欖油，稍煎兩面至金黃 5. 再放入焗爐180度焗10分鐘，就會又鬆厚又香口 6. 淋上楓糖，完成 小貼士： —將麵包浸入阿華田蛋液嘅時間可按喜好，但當然浸耐啲吸收阿華田就越多 —簡易版嘅做法就係用中火燒熱隻Pan之後加入牛油或橄欖油，轉慢火將麵包兩面重複煎至金黃 是次小分享完畢，有興趣可按 麵語錄食玩遊記 by Aminn 或 C家重地 其他分享 :)     Aminn | Beauty．Food．Fun．Travel．Trendy｜    麵語錄食玩遊記 by Aminn (Lifestyle) www.facebook.com/m.for.aminn / www.instagram.com/starzaminn    C家重地 (Parenting) www.facebook.com/sy.lam.family   任何合作請接洽：aminn613@gmail.com