話說早係3-4月開始，我已經睇定幼兒園既資料，亦都同爸爸有共識就係唔想裕喬喬咁辛苦，咁細個就搭長途車咁出去區外讀書，所以只係focus 左係將軍澳區內既稚兒園～～ 咁係公司又冇特別野做，得閒就將d資料整理好～～跟手分享埋俾同區既媽媽谷，大多數都係新手媽媽，對於報N班梗係又會雞手鴨腳架喇～～ 呢個就係我自己整既表，簡單但清晰～ 整理好哂之後，就按住每間學校既報名時間去交表喇～～有d滿一歲就可以報，有d就有特定日子～～真係唔搵個表去記低，邊個會記得喎⋯⋯⋯⋯ 裕喬喬算係大B, 所以有d學校3月就已經交左表，個時問過預計面試時間會係10月、11月咁～～所以我地都唔敢係呢段時間去旅行，惟有將旅行時間推遲到12月底啦⋯⋯ 有一間報名個時就已經定左面試時間，其實咁樣最好，等家長有心理準備嘛～～第二間就9月中收到信，好彩⋯⋯唔係同一日⋯⋯跟住啱啱收到第三間既信喇～～yeah~~~有得見下都好好架喇～ 等到10月5日面試日喇～～前一日去飲，番到屋企成11點，以後佢今朝會唔知醒冇精神，點知又OK喎～～執番個靚仔樣就同爸爸媽媽一齊去面試～但我只係同裕喬喬講去學校玩玩，一黎唔想俾咁大壓力佢，二黎亦都冇必要咁做～ 斯斯文文咁就得喇～～   今日既面試有2 parts, 都係由2個老師睇表現評分～～第一間課室只係需要坐定定聽故事，咁就用英文講既，其間一齊唱歌仔～～呼，好彩媽媽我識唱得哂咁多首，聽見隔離個爸爸唔識唱係度hea個妹妹⋯⋯跟住又有得抽波波睇下小朋友識唔識做～裕喬喬坐得定定，又抽到波波同俾番老師，我當佢合格架喇～～同一時間，爸爸被老師帶左去聽簡介，佢話好多資料都係網上有，所以都冇乜問題要問喎 聽完故事有禮物收架～～係一本書仔～～    跟住去到另一間房，老師要求我地做手工，包括撕紙，油膠水，貼紙同油顏色～～咁油顏色就冇問題，裕喬喬成日係屋企油，只係油到出哂界唧????????～撕紙、油膠水同貼紙都做到既，都係貼少少就得啦～～偷望隔離個媽媽好緊張，幫佢個女撕同貼同畫番d眼咀咁⋯⋯突然諗係咪我太老定？！可能做手工既時間比較長，裕喬喬開始覺得悶，要起身行⋯⋯⋯⋯咁就出事喇⋯⋯最後爸爸都同佢行左出老師度，懶係叫佢睇下幅畫⋯⋯玩完呢個就走得喇～～終於走得，又係考小朋友既時間，識唔識bye bye, high 5, goodbye kiss 咁啦～～ 我地幅作品～～對眼係我最後癡落去既～????   10月6日又去見第二間學校～～今次呢間難d喇～～真係似考個小朋友咁～～首先去到放低封面試信就可以去玩玩～～有個細細既滑梯、屋仔，仲有少量玩具，等小朋友冇咁悶～咁當日考完既媽媽都有分享題目，所以叫爸爸同佢入去做～根據爸爸既覆述，一間房有幾組獨立各自測試既，首先就拎塊板出黎問小朋友，指唔指得番海洋生物，例如八爪魚、魚、海豚咁～跟住就問顏色、形狀～拎左條毛毛蟲出黎玩，要砌番好喎⋯⋯裕喬喬唔識砌，但都答到少少顏色同形狀～之後拎左鯨魚出黎，叫裕喬喬餵佢～都要聽指令話餵咩形狀，但佢就乜都餵哂俾條鯨魚????完成左之後就有份禮物，又係襯呢d時間考下佢識唔識講啦～～裕喬喬識，但唔講！跟住bye bye又收埋手，真有個性????????但爸爸做漏左一點，就係冇泊櫈⋯⋯ 有得玩就開心～～是日斯文look   今日面試既禮物～～   暫時仲有10月尾一間同11月頭1間～～我地當去同佢玩同見識下～～總之：唔好太緊張就好了???????? 我家裕喬的PAGE, 媽媽盡量每日UPDATE喲~歡迎大家like and follow~~ 亦都歡迎大家聯絡我地合作及試用產品～https://www.facebook.com/JacoYK/