尋日突然被提醒今日原來lunch 有飯局⋯⋯約左人都唔記得⋯⋯做左人阿媽真係失憶得好緊要⋯⋯咁一早起身睇下雪櫃有咩就快快手煮左呢個茄牛粉俾裕喬喬做今日午餐喇～～ 材料： 牛仔骨 1舊 （好彩尋晚諗住今晚食拎左出黎解凍） 蕃茄 1個 珍珠洋蔥 1粒 （呢個size really good. 每次用1粒） 蒜頭 2瓣  粟米 隨意 枝豆 隨意 低鈉雞湯 適量 （冇就用水都得） 心型粉仔 隨意 醃料： 油 少少 蒜粉 少少 Lemon pepper 少少    做法： 1. 洗淨牛仔骨、起肉切粒，加入醃料醃一陣 2. 清洗蕃茄，????十字去皮（冇時間唔去皮都得），切粒備用；枝豆、粟米洗淨備用；蒜頭、洋蔥切碎備用 3. 開鑊落油，一邊落蒜蓉、洋蔥碎炒；另一邊牛肉炒～～中間放埋舊骨煎香（煎熟左我食～）    4. 煎香後倒出多餘既油，放入蕃茄～～炒2野就可以倒入雞湯煲～份量其實只要剛好蓋過食材就可以～之後放埋粟米同枝豆   5. 等差唔多收哂水，就落埋粉，煲多一陣就可以熄火喇～～就咁食又得，放入保溫罐帶出街都得～～～   P.S.: 1. 帶出街既飯餸要焗，綠色菜菜會焗黃～所以豆類係唔錯既選擇呀～ 2. 粟米平時搣定一粒粒放冰箱，要用先洗同煮。咁就有新鮮粟米口感呀～～ 我家裕喬的PAGE, 媽媽盡量每日UPDATE喲~歡迎大家like and follow~~ 亦都歡迎大家聯絡我地合作及試用產品～https://www.facebook.com/JacoYK/