坐完月身為在職媽媽已正式投入工作，但不論公司或者屋企都有大大小小既事需要我處理，做好準備先出去返工，咁我都可以放心好多呢。 第一件事當然係要有足夠的糧食比BB啦，呢幾個月來我堅持每隔4個鐘就泵一次奶，所以我的全人奶路都叫順利，開始越儲越多奶，我返工時可以有足夠的奶比BB飲用。 第二件事就係不得不放手比工人姐姐接觸多D BB，一直以來我都覺得工人姐姐幫忙做家務，而照顧小朋友責任應該由父母自己承擔，始於工人姐姐會有離職的一天，而我地同小朋友既關係是永遠的，所以佢地成長的任何一個時刻我都唔想錯過。   BB一出世至今我都係全天侯照顧，但奈何在職媽媽要返工就一定要比BB接觸多D工人姐姐，否則我返左工BB唔習慣就仲麻煩，一開始比姐姐抱佢多D，同埋餵BB飲奶，BB都眼望望左姐姐一段時間先，明顯BB都需要時間適應。 第三件事就係要開始減少埋身餵餔，改為用奶樽餵奶，雖然埋身好處多的是，但我要返工始於都要放棄全埋身，不過我放工或假期一有時間亦會選擇親餵。其實BB適應任何新事物都特別快，由埋身改為樽餵對於BB來講可能仲高興 (始於BB都唔洗出盡全身力就可以飲到奶奶....都不知幾HAPPY ^^)  試左幾次樽餵，而家佢每次用樽飲奶都笑晒口。不過好彩既係雖然樽餵BB會食得容易D，但當我埋身親餵時，BB都無好大抗拒。 至於BB對工人姐姐亦都好快變得好FREIND，每次將條手巾仔放到BB頸上面，佢就會自然將口開到大一大....哈哈! 全人奶媽雖然辛苦，但自己D奶可以令到BB肥肥白白，個份滿足感真係好大好大，無試過係唔會明白呢種矛盾的苦與樂，所以身邊就算有幾多人同我講咁辛苦餵奶仲要日夜泵奶，不如飲返奶粉一覺訓天光啦，我都會當耳邊風。 因為每次BB食完奶，望住佢呢個冧滋滋樣，呢份滿足感令到我想繼續堅持餵哺母乳，就算已經投入工作，日日拎住個奶泵返工放工，雖然都幾麻煩，但做左呢三大準備，BB到現時為止都適應得唔錯，最緊要係希望佢keep住健康，做媽媽就算辛苦D我都覺得係值得架呢。^^ www.facebook.com/1437ritaandhim 歡迎大家給予意見，如有任何邀稿或產品試用，請電郵聯絡: ppqq1437@yahoo.com.hk，我的其他15個BLOG分享包括: Instagram, Blogspot, BeautyExchange, Oh爸媽、24partent專家博客, Weshare, she.com, theZtyle, ELLE.com, style-tips,  U Blog, Esdlife靚太club, QOOZA, Mybb.com,  ClassesWePlay星級blogger, Mamibuy駐站部落客, OpenRice(級別4)