黑色波波池大家玩過未?!      平時一見到波波池就會衝去玩的嘉嘉, 今次竟然企左係度唔郁!!   今個星期六, 同嘉嘉報名參加左一個生日會。 一入門就見到好多汽球裝飾, 仲有哥哥即場扭波波添。     最最最吸睛既係, 一片黑色既波波池啊!! 真係第1次見到!!! 連嘉嘉都呆左, 竟然第1次冇衝去玩之餘, 放佢去波波池仲不知所措咁 佢一直口嗡嗡話:黑媽媽既?!  當然呆只係頭5分鐘, 之後玩到唔捨得走喇! 仲同821朋友仔一齊浸黑色波波池浴     終於見到生日會嘉賓, 神之馬壯既 黎諾懿 Lokyi Lai 喇, 真人原來好高大好靚仔, 仲非常親切, 做左爸爸既佢, 對小朋友非常極之有愛心。 全場都排隊等同佢合照, 本來想嘉嘉同佢2人合照, 可惜嘉嘉未warm up唔願意呢 所以就加埋媽媽我吧!     見佢影左勁耐先清左條隊, 就坐低食餐廳個特別餐, 然後又第2輪影相活動, 今次嘉嘉肯走埋去搵佢玩波波添喇!     除左食同玩, 當日仲有其他免費活動: bread n butter既盆栽製作, 原來非常容易冇難道, 送比老公放公司枱面裝飾了     Magic Zoo既魔術表演 (有另一身份係主持), 仲會因應小朋友年齡表演啱佢地睇既魔術, 嘉嘉亦睇得好專心     扭波波亦係佢地員工包辦, 2個小朋友收到扭波好高興於是......互打, 然後爆波, 哥哥見狀仲即刻再扭比嘉嘉, 然後再打過     仲有臉部彩繪都係好受小朋友歡迎 (嘉嘉除外因為怕污糟)   講左咁耐, 呢度就係 大樹先生的家 Mr. Tree - 香港店, 嘉嘉玩就黎過好多次, 第一次參加自助餐生日會, 一大人+一小朋友只係$380, 額外大人(即老公)只需再加$100, 仲抵過我平時自己散叫啊。    每位小朋友都有禮物添, 除左同大蛋糕合照既即印相卡 仲有Hipp既米糊同果蓉, 重點禮物更加係黑色既波波呀, 真係比錢都唔知邊度買到呢。  一問之下, 原來餐廳每個月都會舉辦生日會, 個個月都有少少唔同主題, 但自助餐係第1次, 因為咁啱係2週年啊! 而且當日宣佈, 大樹先生12月會開新分店呢, yeah, 即遲少許又多一個地方可以放電喇!!   當日又係playgroup後趕去, 所以只係留了1個半小時就走了(生日會2個半鐘架), 但都放足電一上車就瞓左。 呢2日仲會講黑色波波池好好玩呀   地點: 荔枝角長順街15號(D2 Place TWO)   感謝閱讀, 可點加FB: 嘉嘉轉轉貢 跟貼玩意啊       #嘉嘉轉轉貢 #lughlo #嘉嘉娛樂篇 #大樹先生的家 #生日會 #黎諾懿 #波波池 #黑色波波池