日日食飯, 你悶唔悶呀米豬? 不如我地今日食豚肉烏冬啦~~    材料: 旺菜 1/8棵 豚肉 6-8片 邊豆 10條 烏冬 半個   湯材料: 昆布 2塊(手掌咁大) 鰹魚碎(又叫木魚) 半碗    先準備湯底: 1. 昆布用濕布抹乾淨表面灰塵, 準備水1.5湯碗(用嚟整個湯ga), 將昆布剪細到大約1吋一片, 浸4-6個鐘(鐘意可以前一晚浸定)    2. 將已經浸咗ge昆布連湯一齊煲滾  3. 滾起後加入鰹魚碎, 繼續煮30秒, 之後熄火, 加蓋焗10分鐘 4. 隔渣後就見到呢碗金黃色ge昆布湯底喇~ 5. 旺菜切條洗乾淨備用 6. 邊豆切短, 約一吋長, 洗乾淨 7. 昆布湯底煮滾 8. 落烏冬 9. 烏冬變散後, 落邊豆 10. 邊豆同烏冬熟透後撈上碗, 湯底落旺菜煮淋, 再shabu shabu吓豚肉片 11. 烏冬完全比餸掩沒咗~   開餐~!!! 由最愛的菜菜入手~~ 餵咗2啖要自己落手食囉~~ 下次又煮唔該~~~   煮食小貼士: 1. 下次我會skip邊豆, 太多餸喇~~~ 2. 趕時間可以用沖0個D昆布湯底粉, 但要注意鈉含量   米豬豬的page~ 每日都update~  歡迎各位like&follow~ 亦都歡迎大家聯絡我同米豬豬一齊試用產品或合作~ https://www.facebook.com/NereusYu/