第一次釀雞翼， 本來諗住用西蘭花薯蓉， 但當想到Bella拎住隻雞翼食會食好耐， 那不如索性釀飯仲好， 一次過食埋D飯更加飽肚利落， 餡料做法完全零難度， 而且有芝士，所以味道十足， 無需再額外調味。 唯一將雞翼去骨要有少少時間， 做完第一隻就會知道技巧喺邊， 之後就會快手好多。    《幼兒食譜：手握芝味蘑菇釀雞翼》       材料： 1. 四隻雞全翼，切出雞槌部分作其他菜色用途 2. 啡蘑菇一隻 3. 芝士碎適量（之前有講過點樣揀芝士比BB食 ，想review的可fb留言問我) 4. 白飯一碗幼兒份量   做法： 1. 先將雞翼去骨，用剪刀將兩骨接駁位剪斷， 然後沿位剪斷周邊黏住雞骨的筋， 然後再豎直於枱上借力，用手把肉向下推， 骨自然會凸出，再剪斷尾部周邊的筋， 便可把骨去除。         2. 把蘑菇用紙巾抹乾淨，去頂後切碎， 混入芝士碎與白飯。       3. 用小匙羹把飯塞入雞翼中，塞漲便可，不用太滿，否則會易爆開。     4. 然後用牙簽封口如圖。   5. 水滾後，大火蒸15分鐘。   6. 如果想香口一點，可於平底鑊中加少量油略煎，也可灑上香草碎及些少鹽。       7.拆去牙簽，便可享用。因為蒸煎時肉質及飯已成型，所以拆走牙簽都不會散口的。         Bella平時唔多鍾意食飯， 但今次手握雞翼食可以食埋飯， 默默食，最後食左3隻半， 其實已經好飽肚。 平時唔太願食飯嘅BB，可試下這個方法。 下次Bella媽都係做飯料理， 就係 “寶寶版十勝豚丼”，又一撈飯好餸， 有興趣可留意我地facebook更新。       ************************************************************************ ~ 許許與小BELLA ~ 隨性的玩樂型媽媽~ 喜歡做BB特色料理~ 愛分享BB好物情報~ 記得留意我地FACEBOOK瀏覽更多玩樂情報及BB食譜啦~ FB專頁: www.facebook.com/huihuiplayground 聯絡我們: jassmine_tea@yahoo.com.hk       IG:  https://www.instagram.com/huihui_bella/ ~ BLOG足跡 (BEAUTY, LIFESTYLE,  MOM & BABY) ~ BlogSpot   PINEXT   OpenRice  ESD LIFE  TheZtyle  She.Com BeautyExchange   OH!爸媽!  MyBB.Com  香港媽咪幫  UBABY 媽媽經  親子日常