秋燥天氣人人急煲滋潤湯水， Bella媽卻走黎煲羅宋湯。 其實我鍾意飲西湯多過中湯， 羅宋湯更加係至愛， 連湯料都全部食埋。 平時想飲就話張就下飲罐頭或出街飲， 不過Bella一齊飲就絕對自己煲嘅好， 起碼唔會有加工茄膏同味精。     所以今日一早去街市執料， 呢個份量只係我買嘅1/3， 淨低嘅已經塞爆左雪櫃， 而呢到已經可以煲到一大鍋， 好彩我個煲夠大。 羅宋湯嘅材料如下， 個人覺得少一樣野個味都唔會似， 頂多似雜菜湯， 而且一定要煲牛，我用左牛尾， 也可以用牛展肉，牛肋條來煲。 唔需要加罐頭茄膏， 但有濃郁茄汁湯頭嘅秘訣， 就係先拎2/3蕃茄打蓉， 開始時都唔似煲緊羅宋湯， 但兩個半鐘後， 經典羅宋湯出場喇， 就咁飲，伴法飽，或做湯粉湯飯好正嫁！     材料： 西芹3枝 洋蔥半個 薯仔2小個 紅蘿蔔仔2小枝 椰菜半個 去籽紅椒2隻/或青椒1隻 紅菜頭我用左4隻細size 蕃茄5隻，用3隻先打蓉 牛尾2件手板大（唔計手指） 月桂葉2～3塊   做法： 全部材料放鍋中，水浸過材料， 大火1小時、中火1小時、細火半小時， 過程無需加水。         ************************************************************************ ~ 許許與小BELLA ~ 隨性的玩樂型媽媽~ 喜歡做BB特色料理~ 愛分享BB好物情報~ 記得留意我地FACEBOOK瀏覽更多玩樂情報及BB食譜啦~ FB專頁: www.facebook.com/huihuiplayground 聯絡我們: jassmine_tea@yahoo.com.hk       IG:  https://www.instagram.com/huihui_bella/ ~ BLOG足跡 (BEAUTY, LIFESTYLE,  MOM & BABY) ~ BlogSpot   PINEXT   OpenRice  ESD LIFE  TheZtyle  She.Com BeautyExchange   OH!爸媽!  MyBB.Com  香港媽咪幫  UBABY   親子日常  EASY PAMA  Parent's Daily  媽媽經