我覺得這裡90cm以上及大點小童比較啱玩！因為今日落雨，要室內活動呀！ 迎尚酒店搭免費接駁巴士，一個站就到，入到去跟着指示行就見到，一見到馬路就好開心！叫我開車行馬路⋯ 經過有個玩具Pizza⋯ 再行前少少有恐龍睇，會動會叫的⋯ 跟住上3樓就到，大部份要90 cm以上先玩得，呀仔得兒童樂園波波池，砌Lego可以玩⋯ 一場黎到，費事掃興⋯貴都玩啦！ 華納滿Fun童樂園$100位大小同價，全日任玩，但不能自由出入⋯一歲以下免費，入邊冇嘢食㗎！所以冇可能玩全日囉⋯ 兒童跳樓機 100 cm以上先玩得 呀仔一入去就衝去爆谷機度，入面個爆谷好好食好脆，好似蛋撻味，$30包 真係幾好食！得爆谷買，冇其他嘢食㗎啦！ 食完先玩！ 跟住去玩貓鼠智鬥樂園 入面有個BB波波池⋯ 跑左幾個圈就唔玩⋯太BB了 有粉筆畫畫 砌Lego，玩得最耐喺呢度⋯ 爸爸好勁！三兩下砌左架飛機出嚟！ 仲有船⋯ 兩仔爺⋯砌砌砌 可以跟住你個身一齊跑的遊戲機 仲有電動車可以楂 91 cm以上先踩得⋯ 攀石牆 要100 cm以上⋯ 呢個94 cm以下都可以玩，不過要家長陪同一齊入去玩⋯ 行繩網⋯ 最鍾意爬來爬去！ 入邊啲路好窄，追到阿媽我斷氣⋯ 玩完包你腰酸骨痛⋯ 後尾有個小朋友同佢玩，玩左勁耐好開心！放晒電~ 有洗手同飲水機！ 有兒童洗手間，呀仔話要關門，唔使媽媽幫手！要自己⋯大個仔啦！ 最後我哋玩左兩個零鐘就走啦～ *中途有個賓利兔公仔走出嚟叫大家影相，點知唔俾人用手機影⋯影完叫人買相，哂氣！個個影完即閃囉！ 新濠景匯3樓 營業時間：每日10:30-19:00