自公怖了懷孕後，除了聽到身邊的朋友或網友向我祝賀外，我還常聽到的，就是問我點解? 點解?? 再點解???   點解你唔試下順產? 點解要開刀?   點解唔去政府醫院生? 點解要揀私家?   點解要戒口戒得咁清? 點解要戒海鮮? 人哋話每樣食少少BB出世先唔會敏感，先有抵抗力…(你又知我冇敏感前科? )   我相信到我產後又會問~   點解唔試下餵人奶呀? (你又知我冇試?) 點解咁快放棄餵人奶而改餵奶粉?? (即時變了千古罪人)   點解出院後唔比探BB? 點解要等到足月先可以? 我以前生個時……XXXX (開始講歷史)   其實每個人都有自己的想法，每個人的自身狀況都不同，就只有自己最明白及了解自己，當中亦會與隊友商討作出最好的決定，懷孕期間各準媽媽都希望可以放鬆心情去迎接BB的來臨，在一連串的檢查及妊娠身體反射也很難令自己完全得以放鬆，再者到孕後期開始要兼顧產後的坐月事宜、BB的照顧是否已妥善安排好等細節，久而久之太多點解便會引起準媽媽的反感、焦慮，繼而增加了懷孕的壓力，那怕產前、產後抑鬱是有根有據的。   老一輩常常講歷史，年代不同就是不同，我都好想今時今日的樓價可以回落至上當年，生活可以簡單化，細菌不要再變種，在懷孕及照顧BB的方式必須與時並進，現今各人都意識到養生、運動、健康的重要性，那我都好想問點解為何在針對BB方面還是採取古老方式去看待? 所以請大家不要再問點解了。   Facebook FanPage: YukiHui’s Life Blog Instagram: yukihuiiii Email: yukihui130@gmail.com   Theztyle Cosmo Blog Elle Blog BeautyExchange Ulifestyle Sina Blog She Blog Blogspot BeautyQooza Weshare Mamibuy