過左中秋後，天氣真係舒服好多！ 仲要呢2個星期六、日都好好天~所以我連續2星期都帶左蠔豉妹妹去野餐~   因為要就埋朋友仔，所以2次都係去九龍區既草地野餐~ 佐敦谷草地   人多到不得了！我估就好似商場咁多人 :p 不過，草地都好大，不過又超級曬，無乜陰涼位... 由於大家都好好會留返中間俾小朋友玩，所以野餐既位大家都迫埋一齊，你既前後左右都會有其人野餐既人~   而且個草地係一個小山丘上，蠔豉妹妹宜家都唔算行得好穩，所以佢都有啲驚~ 加上草地都俾人踩到變泥地咁上下，所以都一般般~~ 同埋呢到無育嬰室，但係公廁入面有換片枱。   至於剛剛呢個星期去既草地就perfect！ 啟德郵輪碼頭天台公園   其實郵輪碼頭有2個草地~一個係地下，比較多人既，不過都比較大，都有佐敦谷咁大~   另一個就係上2樓，草地就細好多，不過人少少，又係平路，仲要唔太曬有海景 :) 所以我地就係呢到落腳~   呢到好多新人黎影相！當日已經有3對新人~ 佢地用完既汽球仲送左俾蠔豉妹妹玩~   不過玩左幾分鐘已經吹走左 :p 仲有，呢到有間細既育嬰室，比起佐敦谷係公廁入面既換片枱當然更好~   大家都快啲襯呢排好天氣，一家大細去野餐啦~   Facebook : 80後的人妻「旅」友  &  蠔豉妹妹之貓奴生活 Instagram : https://www.instagram.com/wingring   合作／邀稿 : wingring417@gmail.com / wingring@ymail.com