因為係屯門醫院覆診照超聲波時發現小NEMO 生長慢. 30週時, 已經慢左4WEEKS. 所以醫院安排我每個星期都要照胎心聲同埋要填返胎動資料比醫生睇. 去到32週都係成長得好慢, 追唔到. 只係得1.48KGS. 所以醫生話要每星期2次聽胎心聲同埋可能要一夠37週就催生. 怕BB 係肚入面有危險.  去到36週, 睇開既私家婦科盧醫生好擔心BB情況, 再照超聲波得1.9KG. 所以安排左聽胎心聲. 係私家醫院照胎心聲設備同服務都真係一流... 老公又可以坐係度陪住我... 果時都諗係咪應該私家生好呢. (但其實我係屯門醫院生BB都幾順利同好好) 盧醫生睇到有幾下心跳唔好, 即刻寫紙比我入返去屯門醫院叫醫院FOLLOW UP. 屯門醫院即刻要我留院檢查, 又會問我係邊個婦科醫生岩岩檢查發現問題. 唔知關唔關事, 聽到係盧醫生, 佢又好似緊張D咁, 照超聲波時醫生話BB有1.87KG...真係勁輕呢... 呢個星期無增長咁,  所以就約我一夠37週果一日便要入院催生. 最後約左我年30朝早入院.... 我仲傻下傻下問可唔可以年初5先催生呀....果時仲諗, 係咪入院檢查下炸... 初1-3公眾假期, 淨係做URGENT CASE.. 唔會要我生仔掛.... 點知護士話... 婦產科每日24小時NON STOP.. 點知... 真係年30就留院傾用咩方法催生.... 待續...