去旅行做足準備~~ 除咗心理準備, 仲有好好好重要ge旅遊證件呀~~~    咁眾所周知, 我個人都係hea底同埋懶ga ma, 咩晨吉排隊呀拎籌呀呢d, 咪搞我....... 所以梗係上網預約la~~ 好簡單ga咋~ 揀返申請特區護照, 然後填返申請人 (即係個小朋友) ge出世紙號碼, 出世紙簽發日期, 同埋出生日期, 就可以揀可以預約ge入境處同埋最近可以預約ge日期, comfirm晒按時間去就得喇~~   去入境處前要做好準備啊~~  首先要2張白底證件相 出世紙 正本 同埋 影印本 然後... 記得填好表啊~~~ 你需要填3份表格: 16歲以下兒童本地申請書 ID842   11歲以下兒童身分證申請表 ROP3 - 佢最底有個格仔貼相, 但你千祈唔好貼落去呀~ 留返比入境處職員貼呀 仲有一份副簽表格 ID641 **留意返: 副簽表格係唔可以由小朋友ge父母或監護人簽ga~~ 要一個年滿18歲又識得小朋友ge人簽, 仲要個簽名有一半响張相度, 但又唔可以遮到個樣, 同埋要提供埋佢ge身分證副本比入境處ga~~ ** 仲有... 錢錢$$ 小朋友護照同大人一樣, 有分多頁數同小頁數, 無論幾多頁, 有效期都係5年, 32頁: $185; 48頁: $230 **留意返: 入境處只收現金同EPS, 其餘付款方法一概不接納** 最後.... 响ID842簽名0個個人最好就係親身去0個個, 因為要對佢張身分證呀~~~ (即係爸爸簽就爸爸去, 媽媽簽就媽媽去)   約咗朝早10點去灣仔整~~ 上網見人地話等好耐好耐, 我仲拎咗勁多玩具同埋餅餅同奶出嚟比米豬消磨時間~~ 開心仔~~ 有街去就好happy~~   去到入境處就去登記0個個counter度報到, 拎籌, 之後就坐埋一邊等嗌名, 期間有好多人行過比米豬撩玩 飲吓奶奶~~~ 半個鐘好快就過~ 聽到叫我地個籌喇~ 入境處職員會望吓米豬個樣, 確定同張相一樣, 就會再响上面簽名, 對晒所有文件, 就叫我地坐多一陣等比錢, 仲提我地話因為係小朋友第一次申請, 時間會耐d~ 不過其實都係等咗3個字左右~~ 11點度已經搞掂晒lu~~~    比完錢會有張收據比返你, 千祈唔好掉~!! 小心保管~!! 拎passport就係靠佢喇~~~ 大約要等15個工作天~~  順帶一提, 如果你未必自己嚟到拎, 記得記得拎埋份授權書, 咁到時就叫邊個嚟拎都得喇~~~   申請後第2日就可以响網上預約取證喇~ 張收據話10月25有得拎, 我地即刻約咗25號下晝拎~~~  拎證係快過打針~!!! 我交完張單唔駛5分鐘, 我同爸爸仲推住米豬左坐右坐搵個冇咁大風ge位, 跟住就有人開咪叫米豬豬家長去counter拎護照同冇相ge身分證喇~~     好得意呀~~~~~~~~~~~~~ 你終於有一本有自己樣ge官方證件喇~~~    米豬豬的page~ 每日都update~  歡迎各位like&follow~ 亦都歡迎大家聯絡我同米豬豬一齊試用產品或合作~ https://www.facebook.com/NereusYu/