第一次雕南瓜， 今次趁Halloween應下節， 整個跟南瓜有關嘅食譜。 本來諗住整主食， 但南瓜湯同焗飯都整過好多次， 再高層次就係太難搞大家無時間整， 所以最後黎個簡單嘅甜品。   《萬聖節親子甜品！南瓜黑糖布丁!》   材料： 南瓜蓉300克 蛋3隻 牛奶300ml 黑糖50克     黑糖我用太古呢隻沖繩黑糖粉， 因為都幾幼細，所以好快同牛奶溶合， 而且用黑糖甜味會自然好多， 唔似砂糖咁假甜!   要應節可以好似bella媽咁買隻南瓜仔來雕， 否則買普通南瓜取肉便可。   挑完南瓜後，將南瓜頂蓋切走， 刮走南瓜籽。       牛奶放鍋中慢火加熱， 不要讓它滾起燒焦， 要加入黑糖邊攪拌， 煮至黑糖溶化並與牛奶混合。     雞蛋打在大碗中攪拌成蛋液。     將黑糖牛奶慢慢加入蛋液中， 再攪拌直至混合成布丁液，備用。     水滾後，把原隻南瓜隔水蒸熟， 我用大火約12分鐘完成， 只要南瓜內的肉變軟身能被刮出便可， *若蒸太耐會令南瓜外型變得太軟甚至會爛。 *如果不打算原隻南瓜蒸， 則可以把南瓜切件去皮取肉再蒸。     蒸完後刮出南瓜蓉, 不要刮太深~     將南瓜蓉加入布丁液中，攪拌混合。     準備一個篩放大碗上， 把南瓜布丁液倒入過篩， 然後用匙或勺慢慢把南瓜打圈磨， 使滴下的南瓜布丁液更幼細。       然後用相同方法再過篩多一次， 隔出更幼滑的南瓜布甸液。     把布丁液倒入南瓜中或碗中， 隔水蒸，面上輕蓋一層錫紙，不要密封。   如果原隻南瓜蒸便要耐一點的時間， 我用了20分鐘，如果想快想易成型， 布丁液可以放少一點，或南瓜用細一點的。 如果不用原隻南瓜， 則可像我一樣放小砵來蒸， 因為夠淺，所以只用了8分鐘時間。             完成後可以即食，或放雪櫃， 無論熱食或凍食，都一樣好味！ 除左做萬聖節甜品， 平時想整比BB食都可以演變出南瓜蒸滑蛋， 只要唔加糖，牛奶改為水，喜歡可加些許鹽， 出黎效果就係一客南瓜蒸滑蛋喇！   預祝大家Happy Halloween! 有興趣睇更多食譜就留意Bella媽FACEBOOK更新啊！       ************************************************************************ ~ 許許與小BELLA ~ 隨性的玩樂型媽媽~ 喜歡做BB特色料理~ 愛分享BB好物情報~ 記得留意我地FACEBOOK瀏覽更多玩樂情報及BB食譜啦~ FB專頁: www.facebook.com/huihuiplayground 聯絡我們: jassmine_tea@yahoo.com.hk       IG:  https://www.instagram.com/huihui_bella/ ~ BLOG足跡 (BEAUTY, LIFESTYLE,  MOM & BABY) ~ BlogSpot   PINEXT   OpenRice  ESD LIFE  TheZtyle  She.Com BeautyExchange   OH!爸媽!  MyBB.Com  香港媽咪幫  UBABY   親子日常  EASY PAMA  Parent's Daily  媽媽經