免蒸摩登蘿蔔糕 免蒸~~~減省左要等待要忍耐既時間 即炒即煎仲免油煎亦都冇用傳統臘味 健康點~~食多點~~~~ 材料: (大概5個蘿蔔燒+8粒蘿蔔波波) 配用: 深鍋、6格盤、丸子燒 白蘿蔔 300 g (已刨絲計) 紅蘿蔔 60 g (已刨絲計) 冬菇 4粒 (浸泡, 軟身, 切粒) 蝦米 10 g (浸泡, 軟身, 切粒) 銀魚仔 10 g (浸泡, 軟身) 蝦皮 10 g 瑤柱 6粒 (浸泡, 軟身, 撕開) 中筋麵粉 30 g 粘米粉 80 g 發粉 10 g 鷹粟粉 30 g 雞蛋 1隻 海味水 (浸泡海味既水留用) 砂糖 1茶匙 鹽 1茶匙 胡椒粉 1茶匙 麻油 適量 先刨蘿蔔~~記緊所需份量係要已刨絲後黎計 一舊200 g既蘿蔔刨絲大概淨重只有 110 g 其餘就係大量既水份 刨絲後仲要渣番d水出黎愈乾愈好　 兩種蘿蔔都刨好絲後待用 先炒d海味 白獲~~~唔洗落油 銀魚仔 蝦米 冬菇 瑤柱 然後落晒兩種蘿蔔 炒到林身後落4湯匙海味水等佢索下d味 浸完海味既水千萬唔好倒~~~精華黎的 不斷炒佢等佢水份蒸法後落dd鹽 鹽既作用會再迫番蘿蔔剩餘既水出黎 等佢可以再乾身d 當蘿蔔炒到散開後代表而乾晒 之後就落蛋漿 落蛋漿前先要將所有材料壓平做”墊底” 否則蛋一落鍋就變煎蛋了 一落蛋漿後要快速攪拌 令蛋漿滲入材料中 分幾次完成後就可以落粉了 將所有粉類預先攪勻 落鍋後快速攪拌到再見唔到粉為止 重覆至所有粉都落晒後看看黏力 如太鬆散就可加一點海味水 將所有海味回獲同蘿蔔糊一同攪拌到均勻 撈前~~~ 撈後~~~~ 然後就可以換上6格盤即煎 只需取一定份量放入盤後開MED慢煎 最初唔好心急, 太早反佢會散爛的 煎佢5,6分鐘香脆硬硬地時先好反 用專用既小剷幫助貼邊壓平 可盡量貼邊因煎熟後會蘿蔔餅會收緊就會自然離邊 依個小剷子好好用呀 (Aeon $12店有售) 只要唔係刻意去剷刮佢其實金屬質地都唔會傷到個鍋 已用左4,5次都依然無損 兩邊煎到金黃就ok喇 其實為免自己多手反未煎硬既蘿蔔餅時 最好做既就係將另一半炒好既蘿蔔糊搓成波波待用 蘿蔔餅已經煎好了 再換上丸子燒MED預熱後就可放入已搓好既蘿蔔波波 中途可加入小蝦米 我用依隻日本小蝦米好細粒唔洗浸水可直接放到食物到伴食 最方便係佢夠軟身, BB都可直接食到 (樓上燕窩莊有售) 蘿蔔波波都係不斷華麗轉身直到金黃就OK喇